Амонбегим Парвиноз Шакира --- Рах ба Кашмир кушо

21 феврали соли равон, дар тарабхонаи барҳавои Асаки, маҳфили адабию фарҳанги - маҳфили ёдбуди яке аз ситораҳои пурҷилои осмони санъати Тоҷикистон, овозхон, оҳангсоз ва мутриби беҳамто, ҳунарманди зиндаёд Фармон Худоёр баргузор гардид! Фармон Худоёр ситораи пурнуре буд дар осмони санъат, ки ҳамагӣ 20 сол ҳузур дошт, вале фуруғаш бо вуҷуди ин умри хеле кутоҳ ба таври ҷовидона боқӣ монд. Фармон саҳнаи зиндагӣ ва саҳнаи ҳунарро ҷисман тарк карда бошад ҳам, зиёда аз бист сол боз лаҳҷаи ширину садои махмалин, маҳорату истеъдоди беназираш номи ўро, ёду хотираи неки ўро дар гўшаҳои гуногуни кишвар ва берун аз он абадӣ гардондаанд.