Mast Hu 01

غزل اس نے کیا جو پیار کا اظہار مست ہوں سن سن کے اپنے یار کی گفتار مست ہوں اپنا سا پا کے یار سے میں پیار مست ہوں مجھ کو بنایا یار نے ہے یار مست ہوں مستانہ ہو کے یار مجھے دیکھنے لگا پا کر میں اپنے یار کا دیدار مست ہوں بس اس کے دیکھنے کی ہی مستی میں مست ہوں وہ دیکھے بار بار میں ہر بار مست ہوں ہے راز میری دائمی مستی کا دوستو! آنکھیں ہویں ہیں یار سے دو چار مست ہوں اس کی نظر ٹِکِی ہوئی آنکھوں میں ہے میری آنکھوں کا میں خمّار کی میخوار مست ہوں اے مرضِ عشق تجھ پہ ہزاروں سلام ہوں تیماردار یار ہے، بیمار مست ہوں اے زخمِ دل ہمیشہ یونہی غم نوازنا غم کی خوشی ہے، یار ہے غم خوار مست ہوں یہ دل، یہ دھڑکنیں، یہ سبھی سازِ یار ہیں بجتا ہے اس کی راگ میں ہر تار مست ہوں اس کو جہان بھر میں تلاشا، ملا نہیں اس کو میں دل میں پا کے نمودار مست ہوں اے یار تیرا عشق ہے سر چڑھ کے بولتا رکّھا ہوں جب سے سر پہ یہ دستار مست ہوں کھولا نہ رازِ وصل تیرا، رہنا مطمئن میں تختِ دار پر سرِ بازار مست ہوں دیکھے گا میرا یار مجھے وقتِ قتل بھی میں زیرِ بارِ خنجرِ خوں خوار مست ہوں دنیا و آخرت میں میرا یار ساتھ ہے اس پار بھی میں مست ہوں اس پار مست ہوں رکھتا ہے لاج عشق و محبت کی جو ذکیؔ ایسے خدا کا ہوں میں پرستار مست ہوں حقیر فقیر پروفیسر ذکیؔ شطاری نظام آباد (دکن)