جديد مجروده || مرحب كل البدو || يوسف الملاحي 2022

مجروده مرحب كل البدو من كلمات يوسف الملاحي قبل مبدأ البادي اذكر رب العبادي كذي انا معتادي وهذي ترباتي الله يمسيكوا جيت انا اراضيكوا كود ربي يهديكوا عن كل الزلاتي يوسف جاكوا بمجروده عمره مخلف وعوده الكل تعدا حدوده وزودتو الكلماتي دشرك مالزعامه ومربا الشهامه الرجل بمقامه ثقيل فالقعداتي ماجيت اكاونكو نشاما الله حيكوا انا مقدر فنكوا لا تكثروا الشماتي سمعت بسيناوي رد عليه غزاوي عقبهم سبعاوي سووها شتاتي ابو جرايبيع يا جيد عن فعل الطيب متحيد تقيد الردي تقيد سريع فالرداتي اشهد عفعل البصيلي رجل ومقامه عالي من الطيب ماهو خالي هرجه مافيه فلاتي اسمعوا قيفاني بنضلنا اخواني هرجي له معاني بعد التجرباتي الفتنه خلوها لتضلوا تلحقوها اعقلوا وطفوها لتخربوا السمعاتي محد يذم اخيه ويقول ماني زيه اتواظع شويه من قبل المماتي العمر قصير والوقت بيحير خلك رجل خير يا رب الثباتي ملالحه يربعي فيكو زين الطبعي صغيركوا سبعي يفزع فالغاراتي جدي يرحم ترابك ويغفرلك زلاتك شتقنا لحكاياتك اويلي وحسراتي عطار يسوى ميه خذته المنيه يا رب البريه تسكنه الجناتي ابوي مافي زيه نشمي وصافي النيه هيبه وله الهيه ميخيب هقواتي اخواني وطاريهم كود ربي يحميهم بروحي انا افديهم ولهم كل حياتي حي ولاد عمامي عاليين المقامي دوم انتوا قدامي فاول الفزعاتي مرحب كل البدو اعقلو وهتدو يخسى العدو يزرع الفتناتي ربوعي المزيني عالعز ربيانيني واحدكو عن الفيني وتشفو العلاتي عزامي يذيبي يراعي التهريبي فالباقي عالكتيبي يسوي عجاتي اهل البل ظلامي من قبل اعوامي لكوا ارسل سلامي وكل التحياتي قديرات هيل الخيلي وفيهم الخيري كبير وصغيري محتفظ العاداتي رفايقي التياها برفقتكو اتباها الرفقه محلاها عصافي النياتي حي الترابيني قاسي ما يليني عالخير معتاديني اهل الشوماتي الحويطي قرناسي ركابين الشاصي تحيه من راسي لهل العبياتي نختم قوافينا عحمد نابينا يا ربي تهدينا عفعل الخيراتي جديد مجروده || مرحب كل البدو || يوسف الملاحي 2022 #مجرودة #دحية #جديد #fry #2022 #شعر