NAMANGAN DAVLAT UNIVERSITETI — 2025-YILDA

2025-yil Namangan davlat universiteti hayotida yangi bosqich, ulkan yutuqlar va barqaror taraqqiyot bilan yodda qoladigan yil bo‘ldi. Mazkur yilni universitet faoliyatining barcha yo‘nalishlarida sifat jihatdan yangi darajaga ko‘tarilishga erishilgan, salmoqli natijalar qo‘lga kiritilgan davr sifatida e’tirof etish o‘rinlidir. Yil davomida oliy ta’lim sohasida amalga oshirilayotgan islohotlar mazmunidan kelib chiqib, ta’lim jarayonini xalqaro standartlar asosida takomillashtirish, zamonaviy moddiy-texnik bazani yangilash va mustahkamlash, professor-o‘qituvchilarning ilmiy salohiyatini oshirish, raqobatbardosh va yuqori malakali kadrlar tayyorlash, shuningdek, ilmiy-tadqiqot faoliyatining sifati va samaradorligini tubdan yaxshilashga alohida e’tibor qaratildi. Namangan davlat universiteti Axborot xizmati