LIVE: Fiesta De Bandas Y Calesas | Mayor Isko Moreno | Sep 13, 2025

Ang hindi lumingon sa pinanggalingan ay hindi makakarating sa paroroonan. Ngayong hapon ay ginanap ang kauna-unahang Grand Parade of Kalesa sa Kartilya ng Katipunan, isa sa mga inihandang aktibidad para sa Manila Tourism & Creative Industries Month 2025! Ang kalesa, dating pangunahing transportasyon sa Kamaynilaan, ay nananatiling sagisag ng mayamang kasaysayan at pagkakakilanlan ng ating lungsod. Sa makulay na pagbabalik-tanaw natin sa pamamagitan ng pagparada ng mga kalesa mula sa iba’t ibang paaralan, organisasyon, negosyo, at tanggapan ng pamahalaan, muling naipapaalala ang kahalagahan ng tradisyon, kultura, at katatagang nakabaon sa puso ng bawat Batang Maynila—sa isang selebrasyong tunay na nagsasalamin ng ating pinagmulan at pagkakakilanlan. Sa pagtutulungan ng pamahalaang lungsod, sa pangunguna ng Department of Tourism Culture and Arts of Manila (DTCAM), katuwang ang Department of Tourism, Intramuros Administration, at San Agustin Church, marami pa tayong inihandang aktibidades ngayong Setyembre para sa inyo!