أب جاهاً حوانا - نظم الشيخ حاج الماحي رحمه الله - أداء أولاد حاج الماحي

أب جاها ًحوانا أب جاهاً حوانا قمر الانبياء نورنا وضيانا بسم الله في اول بُدانا بي ربّي الغني الحاضر معانا موجوداً قديم حيّاً زمانا إن عُسنا الفسل والزّين يرانا أثني القول عليك ياأحمد حجانا قمرالانبياء نورنا وضيانا كابنا وكنزّنا وعزة بهانا مُفتاح سرَّنا ومرواد عمانا يوم مدُّوا الصراط والناس مَحَانَا أرهف سنّو من مُوس الزّيانا في المحشر نقيف بي أنبيانا محبوس الكلام لاحمد حجانا سُلَّمنا الوهيط ساسنا وبنانا فسراع بي رواج في الوقفة جانا دنقر لي حمولنا وشال قسانا شر كُمُّو العفيف اللي غطانا مركزنا القوي وعزة بهانا كابنا المن جميع الشر نهانا مُشرَعنا وزلالنا اللي ظمانا كشَّاف ضُرّنا اليدفع بلانا يوم جنّوا الهدايا السُّكسُكانا من صيغة وقماش والنوق ملانا لاقاها اب جهل راس اللُّعانا قال هذي البكاري جات طالبانا قالو اقصِر عِوِيض قولك كفانا فيك اوصاف ابوي ما لقيت بيانا يوم أوصاني وادّاني الامانا قال لي يارسول آخر الزَّمانا اجتمعوا الجيوش والعسكرانا قالولو القسم بيهن رُضانا قال ليهم تخاطب بي لسانا إن راحتلهو وان جات معانا قام يمشي اب جهل فوق الكجانة إتكلم وابتلو النُّوق عيانا قالن جينا من داك المكانا طالبين الامين ريس الجنانا نعمة أسيادي شايلين السُّنانا يات من كان علي كيكاً حُصانا اشتّد القتال في السيسبانا حتّي ان كان قُلال المولي عانا الكرّار علي البرضي البطانا أب قلباً صميم ما قالو لانا أولاد الملوك ذلاّها هانا جنزرا باعا في سوق الهوانا يا مولاي حل قيد السَّجانا نترك لنساوينا وجنانا تابعين الخبير ماسكين خلانا ننزل في القصير يومين كفانا اتعرّفبنا الرَّبَّان عفانا دخلنا ام شراعاً صاري زانا اتوكلّنا بالباري ورمانا ليل والتّاني في العطشان رسانا لمينا البدو العقدُوا الرّسانا طالبين ام قزاز بالليل سُرانا هب زاكي النسيم من طيبة جانا النّدّ والمسك والزَّعفرانا شُفنا ام قُلة تُوقد فوق حجانا القُبّة أم خضاراً قيرمانا إتنعّمنا باخوانّا المعانا في جوار الحبيب صيفنا وشتانا يا مولاي تقبل لي دُعانا بي مكّة الطَّواف والحج مُنانا في مزدلفة نجمع لي حصانا في مسجد مني العيد والزّيانا اتنقينا من عيبنا وخطانا يات من كان يُكني الحاج فلانا بجدّة النُّزول طايب هوانا نمرُق في سواكن لينا شانا من سوق اهل الحداربة اهل الرُّطانا إصّرّفنا من بيعنا وشرانا سرنا الخُوّة تمشي مقدّمانا قلنالو بنعُود الله ان حيانا القافلة الخبير ماسك عنانا تمشي الراحة كل يوم في مكانا ننزل في المخيرف من بٌدانا قالوا الماحي زار الدُّخري جانا إتلقونا من خبرا الهجانا قالو اتعدلو قوماكن معانا دلُّونا البلد والخير مسانا الحج والزيارة مسمحانا قال الماحي فيك حَسّن رجانا إنت براك بتعرف بي جزانا والله العظيم وعلي أمانا قط ما بيستحق غيرك غُنانا الصّلوات علي ناير الوجانا والتّسليم علي الهادي الهدانا ما قام النبات لا السيسبانا تُرضي الغالي واصحابو الحُسانا