ALPMAN TAEKVONDO KLUBUNDA İLİN İLK KƏMƏR İMTAHANI 08.02.2026

ALPMAN TAEKVONDO KLUBUNDA İLİN İLK KƏMƏR İMTAHANI 08.02.2026 8 fevral 2026-cı il tarixində Alpman Taekvondo Klubunun Maştağa filialında ilin ilk kəmər-dərəcə (QIP) imtahanı keçirildi. İmtahanın təşkilində məqsəd idmançıların bilik və bacarıqlarını obyektiv şəkildə qiymətləndirmək və onların idman inkişafında növbəti mərhələyə keçidini təmin etmək idi. Ümumilikdə 62 idmançı imtahanda iştirak edərək fiziki hazırlıq, texniki bacarıq və nəzəri biliklər üzrə performanslarını nümayiş etdirdi. Qiymətləndirmə 100 ballıq sistem əsasında aparıldı: • Ümumi Fiziki Hazırlıq (ÜFH); • Texniki hissə (taekvondo texnikaları); • Nəzəri hissə (intervyu və suallar). İmtahanda yüksək nəticə göstərən 4 nəfər idmançı xüsusi fərqlənmə diplomu, medal və hədiyyə ilə təltif olundu: • Əzimli Hüseyn - 88 bal • Hüseynzadə Əhməd - 88 bal • Sultanova Züleyxa - 88 bal • Sultanova Aybəniz - 85 bal Azərbaycan Taekvondo Federasiyasının ümumi metodiki istiqamətləri əsasında keçirilən imtahan Alpman klubunda sistemli və şəffaf şəkildə təşkil olundu. Tədbirin uğurla baş tutmasında iştirak edən bütün məşqçi heyətinə təşəkkür edirik. Eyni zamanda, imtahan öncəsi və zamanı övladlarına mənəvi dəstək göstərən valideynlərə də xüsusi minnətdarlıq ifadə olunur. Onların idmançılara olan inamı və davamlı dəstəyi bu nəticələrin əldə olunmasında mühüm rol oynayıb. Alpman Taekvondo Klubunun rəhbərliyi bütün iştirakçıları təbrik edir, fərqlənən idmançılara gələcək yarış və imtahanlarda uğurlar arzulayır.