Аман қайтшы, сарбазым, аман қайтшы!

Аман қайтшы, сарбазым, аман қайтшы, Анаң күткен есікті қағып қайтшы. «Ұлым келер» деп күнде жолға қарап, Ақ жаулығын жасымен суламайтшы... Кеше ғана үйіңнен кеткен едің, Арманың көп, жап-жас бір көктем едің. «Анашым, мен оралам, күтші мені» — Деп құшақтап маңдайдан өпкен едің... Бір үй бүгін баласын күтіп отыр, Бір анасы суретін сүйіп отыр. Есіктегі әр дыбыс сен секілді, «Ұлым ба?» деп жүрегі дүрсіл қағып отыр... Сарбаз деген — біреудің жалғыз ұлы, Бір әкенің үміті, шаңырақ нұры. Бір қарындас сағынған туған аға, Бір отбасының ертеңгі арманы еді... Ешбір ана қаралы таң көрмесін, Ешбір әке ұлының жасын төкпесін. Әскерге аман кеткен әрбір сарбаз, Өз үйіне аман-есен оралсыншы... Автор 👉 @nurbek_akhmetzhan