ياطارش كتابي شله/ مع الشاعر المبدع.. الهميم السكني بادعام - والفنان فتى البوادي

#طرب_شعبي #فتى_البوادي #لاتنساء_الاشتراك_بالقناة_وتفعيل_الجرس_والأعجاب_بالمقطع_لنستمر_ننزل_كل_جديد هذه ابيات من كلمات الشاعر الكبير الهميم السكني بادعام الهميمي……. مهداة مع خالص الود والاجلال والاحترام للمقدم بلخير بن عمر بريس بادعام الهميمي ابوعمر واصحابه ال سالم بن سعيد ال بادعام .. قال المهتجس بن سالم.. بالاحوال ربي عالم.. ذي هو فوق خلقه دايم يعلم كل شي سبحانه...... كوّني بعقل اسطوره لين الشعر غصت ابحوره من مثلي في المعموره جر الشعر في قيفانه….. مثل البحتري في زامه ماشاعر وقف قدامه سخر دفتره واقلامه طلّع من بحوره دانه....... يا طارش كتابي شله و أعطه بو عمر في حله بلخير احتزم من أجله و الهاجس بيرفع شأنه...... شرف مجلسه و أولاده حسب السالفه و العاده شف بلخير بعد أجداده هو دائم عضيد اخوانه…… والشيخ ابن عمه فاهم جمعان البدي والحاكم ما يلفاه لوم أو لايم جمعان الوفاء عنوانه….. ال ريس عليهم راهن ربعي يقهرون الخائن جابوا طب صوبي الماكن رغم أن حالتي تعبانه…… يا ربعي سلامي صادر من قلبي و طيب الخاطر يوصل عبر بث امباشر من شاعر فصيح السانه…… يوصل بوعمر و أصحابه راس اللابه الغلابه للضيفان فاتح بابه مهتم في كرم ضيفانه…… كم سارح و كم ضاويله صوب المصنعه ياعويله قبل اليوم قبل الليلة ساسه من حجر و اركانه…… يا بلخير و اضح شعري سجلته أنا من بدري و الحاسد بغيته يدري إن معنا عرب فهمانه……. ياقوم اعذروا شاعركم ذي دايم و هو يذكركم ماضيكم كما حاضركم من يجراء على نكرانه...... و اختمها بذكر الهادي من ذكره يطيب فوادي صلوا و قهروا حسادي و الواشي ضعيف إيمانه.... ======================== كلمات الشاعر الهميم السكني بادعام الهميمي.. قـال ولد الـهـمـيمي يـامهـرد جـبـيـنه من فـراقـك يبات القلب يـردف ونينه من فـراقـك يحن القلب مـثل المكينه وانت ماتـرحم اللي فيك ضـيع سـنينه لامتـى باتـعذب شخـص نفسه حـزينه قلـنا ويش ذي قد صـار بـينك وبـينه عود لنـسان حـبـك قال وانـك ضـنينه لاتخـلـيـه ينشـد وين خــلـي وويــنـه لاتـخـلـيـه ينـشـد فالـقـرى والمـديـنـه وان سال شخص جوّب قال ربي يعينه لجـل شـوفـتـك بيـمد الـكـنوز الثـمينه للـذي بايـدلـه ع العـيـون الحـسـيـنه والخـدود الجـميله والبـها فــي جـبـينه وأنـه الجـعد ذي مـنسوع سـينه بـسينه والشـفـايف تقـول الـجـمـر ذي شـابينه عاد صـدره كـما مـشتل بخوخه وتـينه يحـرسـونـه ولا طالـوه ذي حـارسـيـنه عاد خـصره كما خـاتمه ذي فـي يـمينه ياكـريم الـرجا احفـظه مـن حاسـدينه نبـض قلـبي وفي يده حـياتي رهـينه بـحـر عـشـقـي وربـان الهـوا والـسـفينه واكسجيني ايذاجسمي هجره اكسجينه كـيف بـيـعش قـلـبي لو غـدربه ضـنينه كــيـف بارد عـقـلـي كيـف لا تجـننينه كيـف فـي كيـف يـاكـيفي ويـامطمنينه كيف ابـنـي الأمل وصـدودك مـهدمينه كيف؟ومليون كيف؟ودونك الكيف شينه لاتخلـي الهـميمي بين شيـنه وزيـنـه لاتخلـيه ذي لجـلـك رخص غالـيـينه لاتخـلـيـه للعـــذال ولـشـانـيينه لاتخـلـيـه لـدروب العـنـاء والـغـبـيـنه لاتخـلـيـه ذي عّــزك وتبـغـاء تـهـيـنـه وان تخليت عـنه وصـرت مـن جارحينه بـايخـلـي الهـواء وكــل ذي هـاويـينه بعـدماكـان اسمك ثـالـث(ن) والـديـنه بـايسميك يـاحروف (الأسـف والـغبينه) كلمات الشاعر الهميم السكني بادعام الهميمي