足本訪問：劉嘉玲👻萬聖節造型嚇親梁朝偉😨被問：「使唔使咁誇張？」爆The Weeknd個唱想請王菲做嘉賓惜未成事👱🏻‍♀️聞張家輝開騷強調老公唔唱得不會再唱 自稱出碟係mistake｜Viu1現場實況

✨足本訪問：劉嘉玲👻萬聖節造型嚇親梁朝偉😨被問：「使唔使咁誇張？」🗣️爆The Weeknd個唱🎤想請王菲做嘉賓惜未成事👱🏻‍♀️聞張家輝開騷😍強調老公唔唱得不會再唱🙅‍♀️自稱出碟係mistake｜Viu1現場實況 劉嘉玲今晚萬聖節盛裝打扮喺西九出席慈善晚宴，同場仲有周潤發夫婦、何超瓊、何超蓮、胡智同、許鞍華、翁嘉穗、內地演員袁弘等！嘉玲一身黑色bling bling打扮好襯萬聖節氣氛，佢仲特登上網訂咗啲黑色長指甲配合返，點知出門時偉仔見到嚇親，問佢使唔使咁誇張？笑C！ 講返噚晚睇The Weeknd演唱會，嘉玲話原來The Weeknd係偉仔fans，經理人聯絡話好想見一見偉仔，佢一查IG發覺對方有成7000幾萬followers，再聽返佢啲歌，覺得好似喺邊度聽過咁，所以就去見吓佢囉！見面後發覺The Weeknd好熟悉香港電影，偉仔啲戲佢都睇過，王菲啲歌佢都有聽，仲拜託嘉玲搵王菲做嘉賓，不過王菲喺北京所以嚟唔到！卒之Crossover王菲首《季候風》嚟唱，嘉玲話同偉仔聽到好感動，覺得佢愛香港仲多過我哋，至於食飯時The Weeknd都有問偉仔拍戲啲嘢，表現得好有興趣，又鍾意設計MV，於是就幫手聯絡埋杜可風！ 問到今年古天樂開完騷，又傳張家輝會開演唱會，問到偉仔有冇興趣再開騷？嘉玲姐即時話唔好，仲話偉仔唔唱得，上到舞台又唔自在，尤其睇完The Weeknd，人哋唱得咁好production又好，覺得香港要加油喎！佢仲話偉仔絕對冇心郁郁想話唱吓歌，好多人搵佢做嘉賓都婉拒咗呀。至於嘉玲自己都冇興趣唱，仲話當年出碟係一個mistake！ 至於偉仔主演電影《寂靜的朋友》報咗名代表匈牙利角逐奧斯卡，嘉玲話聽到消息都好振奮，如果入到圍一定會出席頒獎禮，自己都未去過，想知多啲睇足本訪問啦！ #劉嘉玲 #梁朝偉 #TheWeeknd #何超蓮 #何超瓊 #周潤發 #發嫂 #王菲 #張家輝 #足本訪問 #現場實況 #Viu1娛樂新聞 #Viu1煲劇平台 #Viu1 #Viu 記得Subscribe Viu1HK嘅YouTube Channel，Follow埋IG、Threads同Facebook page呀👇🏻 ___________________________________________________________ ►訂閱 Viu1HK YouTube Channel: https://bit.ly/3lYFNLW ►追蹤 Viu1HK Instagram:   / viu1hk   ►追蹤 Viu1HK Threads: https://www.threads.com/viu1hk ►讚好 Viu1HK Facebook page:   / viu1hk   ►觀看更多精彩內容：https://www.viu.com