Həkimlərdən “Sabah”ın baş məşqçisi barədə qeyri-etik paylaşım | "Onu məhkəməyə versə..." - Baku TV

Həkimlərdən “Sabah”ın baş məşqçisi barədə qeyri-etik paylaşım | "Onu məhkəməyə versə..." - Baku TV Sosial şəbəkələrdə həkimlərin pasiyentlərlə bağlı paylaşım və şərhləri tez-tez gündəmə gəlir. Son nümunələrdən biri isə “Sabah” futbol klubunun baş məşqçisi ilə bağlı həkimlər arasında aparılan yazışma olub. “Liv Bona Dea” Hospitalının uroloqu Elbəyi Daşdəmirli “Sabah” futbol klubunun baş məşqçisi Valdas Dambrauskasla fotosunu paylaşıb. Paylaşıma şərh yazan Mərkəzi Klinikanın travmatoloqu Yasin Hakverdiyev Dambrauskasın “Barselona” ilə oyunda məğlub olacağına eyham vuraraq, zarafat formasında onun prostat müayinəsi ilə bağlı ifadə işlədib. Buna cavab olaraq Elbəyi Daşdəmirli “elə həmin oyuna hazırlayıram” yazıb. Beləliklə, sosial şəbəkədəki açıq yazışmada sözügedən şəxsin tibbi müayinə alması ilə bağlı məlumat ictimailəşib. Paylaşım isə pasiyent məlumatlarının məxfiliyi və həkimlərin peşə etikası ilə bağlı suallar yaradıb. Bəs belə məlumatların paylaşılmasının qarşısını alan mexanizmlər varmı? Hüquqşünas Emil Aslanovun sözlərinə görə, vətəndaşın müayinəsi, müalicəsi, diaqnozu və sağlamlıq vəziyyəti ilə bağlı məlumatlar həkim sirri hesab olunur: “Əhalinin sağlamlığının qorunması haqqında” Qanunun 53-cü maddəsinə əsasən, həkim sirrini təşkil edən məlumatlar qanunla müəyyən edilmiş hallar istisna olmaqla açıqlana bilməz. Belə məlumatların qanunsuz şəkildə yayılması isə Azərbaycan Respublikasının Cinayət Məcəlləsinin 156-cı maddəsinə əsasən cinayət məsuliyyəti yarada bilər. Bu halda həmin şəxslər üç ilədək müəyyən vəzifə tutmaq və ya müəyyən fəaliyyətlə məşğul olmaq hüququndan məhrum edilməklə və ya edilməməklə, iki ilədək azadlığın məhdudlaşdırılması və ya iki ilədək azadlıqdan məhrum etmə ilə cəzalandırıla bilərlər”. Məsələ ilə bağlı Səhiyyə Nazirliyindən isə bildirib ki, vətəndaşın tibbi yardım üçün müraciət etməsi faktı, onun xəstəliyinin diaqnozu, sağlamlığının vəziyyəti, müayinə və müalicə vaxtı əldə edilən digər məlumatlar barədə informasiya həkim sirrini təşkil edir. Pasiyentin müvafiq hüquqları pozulduqda o, müalicə-profilaktika müəssisəsinin rəhbərliyinə, Azərbaycan Respublikası Səhiyyə Nazirliyinə, Tibbi Ərazi Bölmələrini İdarəetmə Birliyinə və ya qanunvericilikdə müəyyən edilmiş qaydada məhkəməyə müraciət edə bilər. Bizi WhatsApp-da izləyin https://whatsapp.com/channel/0029VaAm... https://t.me/bakutvxeber https://x.com/bakutvofficial   / baku.tv   https://www.baku.tv Həkimlərdən “Sabah”ın baş məşqçisi barədə qeyri-etik paylaşım | "Onu məhkəməyə versə..." - Baku TV 2026 © All Rights Reserved ℗ "Baku TV" LLC ™ #bakutv #bakutvxəbər #gündəm #sabahfk #həkimlər #dambrauskas #qalmaqal baku tv,baku tv xəbər, aktual xəbər, Azərbaycan xəbərləri, xəbər, baku tv canlı, gündəm, son dəqiqə, xəbər, Azərbaycanda son xəbərlər, Azərbaycan