[松年的祈禱](台語)•聖經歌曲•原創詩歌

歌名：松年的祈禱 歌詞：聖經摘編 作曲編曲：潘心怡 獻詩：礁溪教會松年團契 影音製作：吳孟芹 (2026.10.18主日) 歌詞： 上帝啊 我到年老頭毛白的時 求祢呣通放拺我 等候我將祢的氣力指示下代 將祢大權能指示一切將來的人 祢應允到阮年老 祢猶原疼惜阮 到阮頭毛白 祢猶原懷抱阮 祢已經造阮 祢亦要扶持阮 祢要照顧阮 祢亦要救阮 感謝祢互我一生充滿喜樂平安 親像棕樹栽在祢的厝 興旺佇祢的院內 年老的時 猶原結果子 汁滿滿 色青翠 祢恩典及慈悲佇我白頭毛內 做我年歲榮耀媠無比的冕旒 祢是我智慧 亦是我氣力 祢是我產業直到永永遠遠 祢是我福氣直到永永遠遠 聖經經文： 上帝啊，我到年老頭毛白的時，求祢呣通放拺我！ 聽候我將祢的氣力指示下代， 將祢的大權能指示一切將來的人。(詩71:18) 到恁年老，我猶原是按呢；到恁頭毛白，我猶原懷抱(kûi-phō)恁。 我已經造恁，亦欲揹(iāng)恁；我欲懷抱恁，亦欲救恁。(賽46:4) 祢欲將活命的路指示我。佇祢的面前有滿足的歡喜； 佇祢的正手有永遠的快樂。(詩16:11) 義人欲興旺親像棕樹，欲長大親像黎巴嫩的柏香樹。 見若栽佇耶和華的厝的，欲興旺佇咱的上帝的院內。 伊年老的時猶原結果子，伊的汁滿滿，色青翠。 (詩92:12-14) 恩典及慈悲的確隨我到一世人； 我欲永遠徛起佇耶和華的厝。(詩23:6) 白頭毛是媠的冕旒，佇義的路會尋著。(箴16:31) 敬畏耶和華是智慧的根本；見若照按呢行的才有聰明。 耶和華的名聲直到永遠！(詩111:10) 耶和華是我的產業，及我杯中的份額；我所應得的，祢給我顧守。 所量互我的地，是佇真媠的所在；我的產業實在真好。(詩16:5-6) 我的肉體，我的心腸消無；總是上帝是我心肝的氣力， 也是我的基業，直到永遠。(詩73:26)