"БІЛІМ-БАЙЛЫҚ!": ЖЕТІСАЙ ҚАЛАСЫНДАҒЫ Д. ҚОНАЕВ АТЫНДАҒЫ №9 ІТ-МЕКТЕП-ЛИЦЕЙІ

Білім — заманның басты байлығы, ал оны игерген ұрпақ — елдің ертеңі. «Білім — байлық» бағдарламасының бүгінгі саны Түркістан облысы, Жетісай қаласындағы Дінмұхамед Қонаев атындағы №9 ІТ-мектеп-лицейіне арналады. 2011 жылы пайдалануға берілген білім ордасы 2019 жылы ІТ-мектеп-лицей мәртебесіне ие болды. Бүгінде мұнда 180 педагог 1800 оқушыға білім беріп, 87 сыныпта болашаққа жол ашып келеді. Бұл — мектепке деген сенім мен сапалы білімге деген сұраныстың көрінісі. Бүгінде мектепті Мемлекет басшысы Қасым-Жомарт Кемелұлы Тоқаевтың бастамасымен жүзеге асырылған «Білім берудегі өзгерістердің 1000 көшбасшысы» жобасы аясында даярлықтан өткен, мектеп басшыларының кадрлық резервіне енгізіліп, тиісті ұсыным негізінде конкурстық рәсімсіз тағайындалған Мырзагелдиева Маржан Құдайбергенқызы басқарады.