كنت النوريابه "لنا واليوم انطفا بيتنا /شيله رثاء نايف العماري /ادا ابو بشير /2026/حصريا

#لاتنسو_الاشتراك_مرثيه من محمد نايف العماري وشماخ رثاء بعد والدهم نايف العماري %%%%%%%%%%%% يالله يامن الملك لك يارب البشر والفلك نترجا ونتوسلك يامن بيدك المقدره ياذي ماتراك العيون فيك المرتجا والضنون فرج همنا والغبون والمحزون لاتقهره والساعه يقولو عيال نايف دمع الاعيان سال والاحزان في اشتعال مثل النار والمجمره هم والوالده والخوات قالو راح ابونا ومات وانهد الجسد والريات والعظمان متكسره والدنا تركنا وراح ذي هو درعنا والرزاح موته هدنا بالجراح والدمع اصبحت ممطره نايف كان رمز الكرم العماري المحترم فقدانه هو اكبر الم في ارواح متضرره الاب الشجاع الضنين تاج الراس فوق الجبين بعده كل خاطر حزين والحالات متكدره المقدام شبل الاسد هو كان درعنا والسند والرزح القوي والمدد والانوار ذي منوره يابه يارزاح الضهور فقدانك قهرنا قهور واصبحنا نحس الكسور والدنيا قدي مغدره حنا وامنا الغاليه كل اعياننا باكيه بعدك والقلوب داميه والافكار متبعثره والدمعات تزفر زفير مثل السيل ذي هو غزير والنيران تسعر سعير والاعصاب متوتره اخر اتصال اتصـــــــل قال بكره اليكم اصل وقت الضهر قبل الاجل حكم الله ذي قــــدره كنت النور يابه لنا والمصباح في بيتنا واليوم انطفى نورنا بعدك والحياه مدبره قد غادر سلانا معاك ماعد رزح معنا سواك ليت الموت اخذنا فداك يوم الشر لك قدره ندعي للاله الودود ربي يرحمك للحود يجعل مسكنك في الخلود بالرحمات والمغفره ياالله يرحم الراحمين اغفر ورحمه يامعين واجعلنا من الصابرين والاحواس متصبره وانتو يالعموم الكرام احنا نعتبركم مقام الوالد بكل احترام والمعروف ماننكره لكن ليش ياعمامنا والجده وعماتنا ماقدرتو احزاننا وقت الحزن والمنكره ماقلتو لنا يوم مات عن قتله بكل الصفات حتا ماعرفتا الجهات للجاني ومن دبره حاولنا نشوف صورته في نعشه وثلاجته لكن كلكم ياخوته قلتو. مستحيل ننضره واجب في شروع الاله ان الابن ينضر اباه لكن ماسمحتو نراه لارحمه ولا ميسره مدري ليش ناسيننا من دون ذنب وجافيننا مايوم تسألو عننا ماشي للجفى معذره خلو نفسنا راضيه ليش افكاركم قاسيه فينا والقلوب جافيه والنيات متغيره واعذب شكر عالي رفيع لا لاد الحضوري جميع كمن حيد شامخ منيع اسماهم في المصدره بو ردمان رمز النضال وابو دغمر اوفا الرجال وابو طوفان الهلال كلين منهم نشكره واولاد العميسي اكيد كمن شهم نشمي وجيد ابو قفري اغلا رصيد له سمعات متعطره وابو زحف نشمي همام ومحمد رفيع المقام بن مصلح جباهم سلام في قيفان متصدره اهل المعرفه والضمير واجبهم معانا كبير والجودان فيهم كثير والشيمات متحضره نختمها بطه الشفيع من له كل مسلم يطيع صلينا عليه الجميع ذي رب السماء بشره