DD News Mizoram Chanchinthar | 24 September 2026 | 6:30 PM

CHANCHINTHAR Local: 1. Chief Minister Pu Lalduhoma chuan vawiin khan Mizoram State Human Rights Commission Chairperson leh member-te a kawm. 2. Home Minister Pu K. Sapdanga chuan Zirlaite chu an a nuam leh awmsam chin piah lama Central Service hna hrang hrang luhchilh tur in a fuih. 3. RD Minister Prof. Lalnilawma hovin ‘Convergence Workshop’ neih a ni. 4. Chief Minister Pu Lalduhoma hovin Study Team on Socio Cultural & Economic Impact of KMMTTP & Railway line-te an thukhawm. 5. Sports Minister Pu Lalnghinglova Hmar chuan “Education and Awareness Session on Doping” a hmanpui. 6. Mizo ṭawng humhalh leh tihhmasawnna atana hmalakna kal zelah, vawiin khan State Level Seminar on Mizo Ṭawng neih a ni. 7. Poshan Maah pualin Anganwadi naupangte hnenah Mizo ziarang zirtir a ni. 8. MNF thalaite chuan Mizoramah ruihhlo a zalen a, tualthahna leh tharum thawhna a tam niin an sawi. National: 1. Ram hruaitu lu ten Asian Games-a medal latute lawmpuina an hlan. 2. Prime Minister Narendra Modi-a'n mipui rawngbawl hna chu mihring dam chhan ber leh thupui ber a ni tur a ni, a ti. 3. G4 ram- India, Brazil, Germany leh Japan Foreign Minister-ten United Nations Security Council (UNSC) chu a hma thei ang bera thuamthat a ngaih thu an sawi. 4. External Affairs Minister Dr. S. Jaishankar an Forum for India-Pacific Islands Cooperation (FIPIC) Foreign Ministers' thutkhawm vawi 2-na a kaihruai. 5. Union Commerce and Industry Minister Piyush Goyal chuan Mera Yuva Bharat, MY Bharat portal-ah India ram thalai vbc 3 chuangin hming an ziah luh tawh thu a sawi. 6. National Board of Examinations in Medical Sciences (NBEMS) chuan vawiin khan an official website-ah NEET PG-2026 result an tarchhuak. 7. World Maritime Day pualin Union Minister of Ports, Shipping and Waterways Sarbananda Sonowal-a'n maritime sector chu India hmasawnna atana innghahna kulhpui a ni, a ti. 8. Ei rawngbawlna hriak man sang zel thunun nan, sawrkar laipui chuan ram pawn atanga hriak lakluha chhiah a lak thin, Basic Customs Duty (BCD) a tihniam. Follow DD Mizoram:   / ddnewsmizoram     / ddnews_mizoram     / ddnewsmizoram