أنا كسبت… ومكسبتش حاجة (النجاح) | كلام كبار #3

إنت عايز تنجح فعلًا… ولا عايز الناس تشوفك ناجح؟ في الحلقة دي من كلام كبار بحكيلكم واحدة من أهم الرحلات اللي عدت بيها في حياتي. من الثانوية العامة، ومحاولة إثبات نفسي للناس… لـ91.5% ودخول حاسبات ومعلومات. ومن إني كنت فاكر إن لقب مهندس هو شكل النجاح اللي المفروض أوصله… لحد ما اكتشفت إن ممكن جدًا تكون بتجري بكل قوتك ناحية هدف، وبعد ما توصله تكتشف إنه أصلًا مكانش هدفك. حكيتلكم إزاي سبت حاسبات، وإزاي اكتشفت بالصدفة إني بحب الـMarketing والـAdvertising… وإزاي بدأت من الصفر تمامًا. اشتغلت ويتر. وبعدين اشتغلت في مكتب أوبر. لحد ما فرصة صغيرة فتحتلي باب دخلت منه المجال اللي بحبه، وبدأت رحلة طويلة لحد ما وصلت للمكان اللي أنا فيه النهاردة. بس يمكن أهم حاجة اتعلمتها من الرحلة دي كلها… إن القرار الصح مش لازم يكون القرار السهل. وإن كل طريق في الحياة ليه تمن. فالسؤال مش: هتضحي ولا لأ؟ السؤال الحقيقي هو: إنت مستعد تضحي بإيه؟ لو الحلقة عجبتك، ساعدني نكمل الرحلة دي ❤️ اعمل Like 👍 وShare للحلقة مع حد ممكن يحتاج يسمع الكلام ده وSubscribe عشان لسه عندنا كلام كبار كتير جدًا جاي. اكتبلي في الكومنتات: إنت دلوقتي بتجري ناحية هدف إنت عايزه فعلًا… ولا ناحية هدف الناس علمتهولك؟ #كلام_كبار #نجاح #تطوير_الذات #Marketing #Career