Sökülən əmlaka görə kompensasiya necə hesablanacaq? – Zahid Orucdan təklif | APA TV

#APATV #zahidoruc #milliməclis Dövlət ehtiyacları üçün qanunla aparılan alınma siyasəti ilə özəl investorların yaşayış və digər növ tikintilər həyata keçirmə üçün qaydalar da vahid olmalıdır. Konstitusiya Məhkəməsi qanunvericilikdəki boşluqların və qeyri-müəyyənliyin əsassız kompensasiya tələblərinə, mülkiyyət hüquqlarının pozulmasına və tikintinin uzanmasına səbəb olduğunu bildirib və qaydaların təkmilləşdirilməsi üçün Milli Məclisə təkliflər göndərib. Bəzən onlarla ailə ilə razılıq əldə edildiyi, köçürülmə və tikintiyə milyonlarla manat xərcləndiyi halda, bir-iki mülkiyyətçi ilə razılaşmanın illərlə uzanması layihənin başlanmasına mane olur. Dövlət və ya özəl şirkətlər hər hansı ərazidə onlarla ailə ilə razılaşıb mənzil və ya kirayə öhdəliyini götürüb milyonlarla manat vəsaiti layihələndirməyə, köçürməyə, avadanlığa, kredit faizlərinə xərcləyirsə bir və ya iki mülkiyyətçi ilə illərlə anlaşmanın tapılmaması nəticəsində tikinti prosesi gecikə bilməz. Kompensasiyanın hesablanması üçün ictimaiyyətə açıq meyarların yaradılmasını, Nazirlər Kabineti tərəfindən qiymətləndirmə şkalasının, bazar qiymətlərindən istifadə qaydasının, ərazilər üzrə diferensial tariflərin və inflyasiya ilə tikinti xərcləri dəyişdikdə yenilənmə mexanizmlərinin müəyyənləşdirilməsini təklif edib. Sökülən əmlakın əvəzində veriləcək sahənin ölçüsü, otaqların sayı, yaşayış və qeyri-yaşayış sahələrinin fərqi, yeni mənzilin keyfiyyəti, təhvil müddəti və gecikməyə görə məsuliyyət də qanunvericilikdə dəqiq təsbit edilməlidir”. Faktiki sahənin ölçülməsi məsələsinə də diqqət edək. “Balkon, zirzəmi, yardımçı otaq, eyvan, hasar, sonradan artırılmış hissələr və kommersiya obyektlərinin hüquqi və texniki statusu fərqləndirilməli, müstəqil ölçmə və qiymətləndirmə, foto və elektron aktlaşdırma mexanizmləri tətbiq olunmalıdır. Söküntü elanından sonra kompensasiya almaq məqsədilə qanunsuz tikilmiş sahələrlə onilliklər ərzində mövcud olmuş və dövlətin tanıdığı faktiki yaşayış şəraiti eyni qiymətləndirilməməlidir. Qeydiyyatı texniki səbəblərdən tamamlanmamış əmlak, hüquqi əsası olan istifadə, uzun müddət mövcud olmuş faktiki məskunlaşma və yeni qanunsuz zəbt halları bir-birindən fərqləndirilməlidir. Tikinti icazəsi alındıqdan, qiymətləndirmə və müqavilə təklifləri yekunlaşdıqdan sonra razılaşma üçün ağlabatan müddət müəyyən edilməli, ardınca məcburi mediasiya və sürətləndirilmiş məhkəmə baxışı mexanizmləri nəzərdə tutulmalıdır. #apaxəbər #apatvxəbər #gundemxeberler #gününxəbərləri #sondeqiqe ✅ Rəsmi saytımız: https://apa.tv ✅ Rəsmi facebook səhifəmiz:   / tvapaxeber   ✅ Rəsmi instagram səhifəmiz:   / apatvresmi   ✅ Rəsmi X səhifəmiz:   / apatvofficial   ✅ Rəsmi teleqram səhifəmiz: https://t.me/apa_tv ✅ Rəsmi youtube kanalımız: https://www.youtube.com/APAGROUPOffic... Copyright © APA TV Videolarda yazılan rəylərə görə kanal rəhbərliyi məsuliyyət daşımır. REKLAM TƏKLİFİ ÜÇÜN (Contact) info@apa.tv