Khit Thit Afternoon News | 8 September 2026

Khit Thit သတင်းဌာန၏ စက်တင်ဘာ ၈ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ စက်တင်ဘာ ၈ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ ကုလသမဂ္ဂ လူ့အခွင့်အရေးမဟာမင်းကြီး Volker Türk က မြန်မာနိုင်ငံမှာ ဆိုးရွားလာနေတဲ့ လူ့အခွင့်အရေးအကျပ်အတည်းကို ဖြေရှင်းနိုင်ရေးအတွက် မြန်မာ့အခြေအနေကို အပြည်ပြည်ဆိုင်ရာ ရာဇဝတ်တရားရုံး (ICC) သို့ လွှဲပြောင်းတင်ပြရန် ကုလသမဂ္ဂအဖွဲ့ဝင်နိုင်ငံတွေကို စက်တင်ဘာ ၇ ရက်မှာ တိုက်တွန်းလိုက်ပါတယ်။ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။ ပဲခူးတိုင်း၊ ဒိုက်ဦးအကျဉ်းထောင်မှာ ဦးစီးအရာရှိ ဇင်မာကြည်အောင်အပါအဝင် အရာရှိတွေနဲ့ ဝန်ထမ်းတွေက နိုင်ငံရေးအကျဉ်းသူတွေ အာဟာရပြတ်လပ်ပြီး ကျန်းမာရေးထိခိုက်စေဖို့အတွက် အလုပ်ကြမ်းတွေကို အတင်းအဓမ္မ ခိုင်းစေနေတယ်လို့ နိုင်ငံရေးအကျဉ်းသူများအဖွဲ့ (WOPP) ရဲ့ ထုတ်ပြန်ချက်အရ သိရပါတယ်။ ပဲခူးတိုင်း၊ ကြို့ပင်ကောက်မြို့နယ်၊ ရုံးချောင်းကျေးရွာအုပ်စု ဆေးခန်းကို အကြမ်းဖက်စစ်တပ်က ဒရုန်းနဲ့ ဗုံးကျဲတိုက်ခိုက်တာကြောင့် ဆေးခန်းအဆောက်အအုံတွေ ပျက်စီးခဲ့တယ်လို့ ဒေသပြည်သူတွေက ရန်ကုန်ခေတ်သစ်ကို ပြောပါတယ်။ အမေရိကန်နဲ့ အီရန်တို့ကြား ဖြစ်ပွားခဲ့တဲ့ စစ်ပွဲကနေ ပင်လယ်ကွေ့ဒေသနိုင်ငံတွေ အရေးကြီးတဲ့ သင်ခန်းစာတစ်ခု ရရှိခဲ့တယ်လို့ ကာတာနိုင်ငံက ပြောလိုက်တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။