Дэлхийд юу болоод байна? Бид юунд бэлдэх хэрэгтэй вэ?

Энэ жил дэлхий даяар жижиг хэмжээний цэргийн мөргөлдөөн, өлсгөлөн, шатахууны хомсдол, бослого, үнийн огцом өсөлт, вирус гээд олон хүнд үйл явдал ар араасаа болж байна. Харамсалтай нь байдал сайжрах шинж тэмдэг одоохондоо ажиглагдахгүй байна. Миний хувийн бодлоор ирэх жилүүдэд бид илүү том мөргөлдөөн, бүр дайн харах магадлал өндөр байна. Тиймээс энэ бичлэгээрээ болзошгүй хямралд хэрхэн бэлтгэх, юу хийж болох талаар өөрийн бодлоо хуваалцлаа. Миний 4 зөвлөмж: 1. Хүнсний нөөцтэй болох. Мөргөлдөөн гарвал дэлгүүрийн бараа бүтээгдэхүүний үнэ огцом өсөж болзошгүй. Тиймээс удаан хадгалагддаг хүнсээ урьдчилан нөөцлөөрэй. 2. Эм, эмийн бэлдмэлээ нөөцлөх. Ялангуяа байнга хэрэглэдэг эмээ хангалттай хэмжээгээр бэлдээрэй. 3. Бичиг баримтаа шинэчлэх. Гадаадад амьдардаг бол паспорт, виз, оршин суух зөвшөөрөл зэрэг бичиг баримтынхаа хугацааг заавал шалгаж, шинэчлээрэй. 4. Яаралтай үед зориулсан мөнгөн нөөцтэй болох. Ирэх хэдэн жилд инфляц өндөр байж магадгүй тул ядаж хадгаламжийн дансанд мөнгө хуримтлуулаарай. Цаг гарвал өөрөө судалж, алт, мөнгө зэрэг үнэт металл болон S&P 500-д хөрөнгө оруулахыг бодолцоорой. Энэ бичлэг санхүүгийн зөвлөгөө биш, зөвхөн хувийн үзэл бодол болно.