طاجن لسان العصفور بالدجاج والفطر والكريمة

طاجن معكرونة لسان العصفور بالدجاج والفطر والكريمة المقادير ٢ونصف كوب(بكيت)معكرونة لسان العصفور(٥٠٠)غرام اي نوع بتحبوه نصف كيلو فيليه الدجاج مربعات (٥٠٠) غرام زيت وزبده/مستكه/بصل/ثوم/ملح/بهارات/اعشاب ايطاليه/ريحان/جوزة الطيب اختياري/٢٥٠غرام فطر/معجون بندوره/مرق دجاج/نصف ليتر كريمة/اجبان فخارة او بايركس او طنجرة المرحلة الاولى للطبخ تحمير معكرونة لسان العصفور بنحتاج الى ٢معلقةكبيرة زبده(٥٠)غرام+ربع كوب زيتون او نباتي(٥٠)مل كوبين ونصف معكرونة لسان العصفور(٥٠٠)غرام في قلايه على نار وسط بنحمر المعكرونة لتوصل للون الاشقر الغامق بتحتاج من الوقت تقريبا من (١٠الى١٥) دقيقه حسب غازكم بنرفع المعكرونة على مصفاية لاستخدام الزيوت المتبقية للطبخ وبنكمل المرحله الثانيه في طنجرة على النار بنضيف الزيوت المتبقيه من تحمير المعكرونة وبنضيف ٣سنون مستكه وعلى نار عاليه بنضيف نصف كيلو فيليه الدجاج مربعات حتى نشمع الدجاج بنضيف بصله متوسطه مفرومه ناعم حوالي(١٠٠)غرام معلقةكبيرة مطنطرة ثوم مهروس(٣٠)غرام تقريبا نصف معلقةصغيرة ملح(تزبيط الملح بالاخر بعد اضافة المرق) ٢٥٠غرام فطر شرائح طازج اومعلب البهارات: نصف معلقةصغيرة لكل من(هيل ناعم/فلفل اسود ) معلقةكبيرة مسح بابريكا حلوه او حاره معلقةصغيرة بهارات ايطالية ربع معلقةصغيرة جوزة الطيب(اختياري) معلقةكبيرة معجون بندورة حوالي (٢٠)غرام+معلقةصغيرة سكر ٤ كوب مرق دجاج ساخن او بودرة مرق مع ٤كوب ماء ساخن وبنضل نحرك ونضيف المكونات بالتدريج بين المكون والاخر دقيقتين ثلاث وكل الطبخ لحد الان على اعلى درجه بعد غليان المرق مع المكونات بنضيف ٢كوب كريمة وبتركهم يوصلوا المكونات لدرجة الغليان وبنضيف من (١٠الى ١٥)ورقة ريحان حوالي ربع كوب وبضيف المعكرونة وبنزبط الملح وبنحركها على نار وسط كل فترة حتى لا تلتصق باسفل الطنجرة لمدة عشر دقائق بنطفي الغاز وبنصب المكونات بالفخارة اكبر حجم بالقياسات او البايركس او بنكمل استوائها بالطنخرة بدون فرن(حسبةالرغبة ) بنضيف على الطاجن الاجبان بارمزان/شيدر/موزريلا(حسبةالرغبة الكميه والنوعيه)وبنضيف رشة من الاعشاب الايطالية رشة من زيت الزيتون او الزبده وعلى الفرن الفرن محمى مسبقا على درجة حرارة ١٨٠ على صينية الفرن حتى ما يفور ويطفح بالفرن على الرف الاوسط او تحت الاوسط من( ربع الى ثلث) ساعة حسب فرنكم وبعدين تحمير وهيك بكون الطبق جاهز الملاحظات ملاحظة١:من التحضيرات المسبقه للستات العاملات ممكن قبل بيوم تحمير المعكرونه وتحضير الصوص او الخلطه وثاني بتطبقوا الطبخه لاختصار الوقت ملاحظة٢:ممكن استبدال الدجاج باللحوم او الاسماك او الجمبري ممكن استبدال الفطر بخضروات اخرى مثل البروكلي اوالكوسا او الفليفله الوان او جزر او بازيلا وممكن استبدال الاعشاب الايطالية والريحان بالزعتر او الاوريجانو او الكزبره او البقدونس وممكن استبدال كريمة الطبخ بكوب حليب مع ٢٥٠ غرام من القيمر او القشطه او بالباشميل او معجون البندرة معكرونة لسان العصفور تعامل في بعض الاطباق بالمعكرونات او الشعيريه بالشوربات او بالرزيات مثل الكبسه او اي نكهة بتحبوها لكل كوب لسان العصفور بحتاج كوب ونصف من المرق واذا بتحبوها لينه ممكن توصلوا الى كوبين من المرق    • وصفات مطبخ مريامة