अभ्यास भुक्ने गर/Hira Bhatta/Laxmi Prashad Ghimire/ShardoolbikreeDit Chhanda poem

अभ्यास भुक्ने गर ------------------😁 औँसीमा मुख हेर्नु छैन जसले आमाबुबा छाड्दछौ बेबीसावरको प्रदर्शन गरी भैंसे भुँडी चाट्दछौ अङ्ग्रेजी पनि बोल्दछौ फिलिलिली साँच्चै ठुला हौ तर खम्बा खोज पिसाब फेर्न नजिकै अभ्यास भुक्ने गर |१| ॐ ॐ ॐ कतिपल्ट दैनिक गर्‍यौ शास्त्रीय उच्चारण गायत्री सुन मन्त्रको कति गर्‍यौ गम्भीरता धारण आम्दानी पनि गर्दछौ डलरमा साँच्चै ठुला हौ तर खम्बा खोज पिसाब फेर्न नजिकै अभ्यास भुक्ने गर |२| जान्दैनौ गुरुपूर्णिमा कुन चरो के फूल कृष्णाष्टमी मान्दैनौ हरिबोधिनी र शयनी श्री वा बिहापञ्चमी चढ्छौ कार करोडको सहरमा साँच्चै ठुला हौ तर खम्बा खोज पिसाब फेर्न नजिकै अभ्यास भुक्ने गर |३| मेरा बुल्बुल बागभित्र असिना आँधी तुसारो पर्‍यो भाषा संस्कृति सभ्यता मुलुकको तल्लो तलामा झर्‍यो उड्छौ उच्च विमानमा गगनमा साँच्चै ठुला हौ तर खम्बा खोज पिसाब फेर्न नजिकै अभ्यास भुक्ने गर |४| तेरा अक्षरको प्रयोग म गरूँ खोल् शारदा सन्दुक गोली अक्षरको समाहित गरी जा शब्दका बन्दुक तारेहोटल चाख्दछौ दिनदिनै साँच्चै ठुला हौ तर खम्बा खोज पिसाब फेर्न नजिकै अभ्यास भुक्ने गर |५| रचनाकार: हिरा भट्ट 'बदमास नम्बर दुई' जन्मस्थल:पञ्चेश्वर-६,बैतडी