قصيدة المفقود المغربية 43: القلعة، الشاعر محمد بن سليمان الفاسي المغربي🇲🇦🇲🇦/ غناء العنقيس الجزائري🇩🇿

قصيدة محمد بن سليمان الفاسي المغربي🇲🇦🇲🇦 ليل الزهو احكيتو سلطان أولاد حام أول عنترا نحسابو* بالخير والفـــراح انصابو* مازال ما نتمّ حسابو عام السرور صايل * باقي طايل * يا السايل * نحكي فرجاتو ونعيدو شلا أخبار يا حسراه كيف ازمان يا ساقي باقي نور شمعنا ما قرب حسكاتو* ما بتنا هذا اشحال ماغدرنا كيسان بساطنـا في قلعة ما توطاهـا اقدام إلا قدامنا توطاها * صعبة اجبالها و وطاها * الحرير فراشها و غطاها نقمة لكل داصر* فيها حاصر* بالعساكر * مادام حياتو ما يتعداشي حدودها من دون الرقبان يا ساقي باقي نور شمعنا ما قرب حسكاتو* ما بتنا هذا اشحال ماغدرنا كيسان نوصيك نوع السفرة بكيوس المدام أنا بلا كيوس أسقيني * عمّر مراشـفك و اعطيني * الريق بلا خمر يكفيني كاس الرحيق داير* عقلي حاير* معاه طاير * ندري رشفاتو ما نشرب حتى اتردّني لمراشف سكران يا ساقي باقي نور شمعنا ما قرب حسكاتو* ما بتنا هذا اشحال ماغدرنا كيسان اذا نطيح وقضـني باشعار النظام يحلى مع لقاك شرابي * ما بين لمتـي و احبابي * ننسى محايني واعدابي بعد أن كان ناكد * صح العاهد * و الشواهد * نعطي صيفاتو ما نصحى حتى تردني بالمرشف سكران يا ساقي باقي نور شمعنا ما قرب حسكاتو* ما بتنا هذا اشحال ماغدرنا كيسان انغايم الوتر اتـهيج ناس الغـرام العود والرباب امساوي * يزهى جميعنا بنشاوي * حاز البدور بعد ازهاوي الفجر ارخى جناحو * بعد أن ناحو * ضيا اصباحو * و نشر رايـاتو الداج اتـجلى و انتصر مصباح السلطان يا ساقي باقي نور شمعنا ما قرب حسكاتو* ما بتنا هذا اشحال ماغدرنا كيسان إذا ضوا الفجر ما تسمع غير الحمـام تلقى جيوش من القبلة * انزلو على الدجــى بمحلة * تاج فوق عبد تجلى منظوم بالجواهر * لونو ضاهر * بقلب زاهر * متع نجلاتو جدد حضرة المقام عند احكام السلطان يا ساقي باقي نور شمعنا ما قرب حسكاتو* ما بتنا هذا اشحال ماغدرنا كيسان نسايم الزهر يحييها محيي العظام الياس و البها و النسري * الورد في بطاحو يسري * و اللي يكون كيفي عذري مجدد في الخلاعة * ما هو ساعة * بالولاعة * زايد نشواتو وقت ما هب النسيم يهتز مع الاغصان يا ساقي باقي نور شمعنا ما قرب حسكاتو* ما بتنا هذا اشحال ماغدرنا كيسان البوح و ام الحسن و الفاخت و اليمام حداد و الخصيم البلبل * منيار بينـهم و الحربل * هزار في الرياض يهلل و نغايم السمارس * لفض المجالس * و العوانس * بالخمرة فاتو رشفو من زهر اللقاح تحت ظلول البستان يا ساقي باقي نور شمعنا ما قرب حسكاتو* ما بتنا هذا اشحال ماغدرنا كيسان هذا نـهارنا جوزنـاه على التمام شمس العشي راحت صفرا * فالزين ما سخـيت بنضرة * باقي ما شفيت الحضرة الا الفراق طاغي * يا من صاغي * اذا يلاغي * زايد ليعاتو قلب العاشق ما الو صبر في زمان التيهان يا ساقي باقي نور شمعنا ما قرب حسكاتو* ما بتنا هذا اشحال ماغدرنا كيسان ليلة و يوم عندي في عوض مياة عام يا سعد من عطف محبوبو * وكشف بالوصال حجـوبو * و افجـى غصايصو و كروبو من بعد كان جافي * ثوبو وافي * بقلب صافي * نجني روضاتو نتمنى داك الرقيب لا يمعلو ديوان يا ساقي باقي نور شمعنا ما قرب حسكاتو* ما بتنا هذا اشحال ماغدرنا كيسان هذا اعبـار من يدعي بطريق النظام و اللي ما دعاو بدعوة * لقدامهم راسي يهوى * عسى انّال منهم سطوة الجاحدين خمذو * بعد ان هدّوا * علاش قدو * بالغمة ماتو كيف جرى للساقية تعاند بحر الطوفان يا ساقي باقي نور شمعنا ما قرب حسكاتو* ما بتنا هذا اشحال ماغدرنا كيسان يا حافظ اللغى خُذ ادّيها للغشام رجلي على قفاة الظالم * من لا يكون فارس ناجم * راني على الحروب ملازم آش ادّاه للسقارة * يوم الغارة * بقى عبارة * مرهون في ذاتو يخمد فرخ البوم كان صرصر حر البيزان يا ساقي باقي نور شمعنا ما قرب حسكاتو* ما بتنا هذا اشحال ماغدرنا كيسان السيف اللي هو بالمضى في الضيني حكماتو عارضـلو بالكلخـة و الكلخة حافت للميدان أو الله ريت الجــران كيتــعدى مرجاتو خــرج للصحـرا بغى يروم لغار التعبان الحمار لا داري بالحلاس و الشوكة في قفاتو دارو ليه الســرج و الحلاس رجع للشيهان هذا الوقـت أهلو انباو بالطـاروس و نبحاتو عمـلو ليه الجاه والســبع ما عرفولو شان خفظـوني كخفظة البـدر خفضة من طلعاتو رفــعوا من لاله مرتبة رفـــعة الدخان نــادا به الوقت السـعيد و اشواقو ما هنّاتو ما تنكــر شمس النهار غير عيون العميان من كيسـان التدبيــر بالعبارة تطلع نشواتو تفـرق ما بيــن التبر و العسجد و العقيان سافرت في بحر الحب بالرياسة ندري موجاتو وسـقت وعمـرت مركـبي باحجـار اليمان من كل قبيله جات القومان تشري سلعــاتو تسقســي وتسال آش من مرسى خرج فلان إسمـي ميمين وحا ودال ياحافظ حلة معناتو خمرة دون مدام في اللغى اهداها بن سليمان يا ساقي باقي نور شمعنا ما قرب حسكاتو* ما بتنا هذا اشحال ماغدرنا كيسان