Tortdan zəhərlənmə iddiası: “Azza”dan təəccüblü cavab | BTV XƏBƏR

BTV Xəbər verir ki, sosial şəbəkələrdə vətəndaşın “Azza” mağazalar şəbəkəsindən aldığı şirniyyatlardan sonra zəhərləndiyi ilə bağlı görüntülər yayılıb. Məlumata görə, vətəndaş Miri Tağıyev “Azza” şirkətinin Pirşağı qəsəbəsində yerləşən mağazasından tort və ekler alıb. Ailə üzvü olan 58 yaşlı qadının şirniyyatları yedikdən sonra səhhətində problem yarandığı və xəstəxanaya yerləşdirildiyi bildirilir. Hazırda qadının vəziyyətinin orta ağır və stabil olduğu qeyd olunur. Yayılan iddianın doğru olub-olmaması ilə bağlı “Azza” şirkətinin mövqeyini öyrənmək üçün onlara müraciət etdik. Şirkətdən isə bildirildi ki, “Biz bir şikayətə görə gəlib açıqlama verəsi deyilik.” Pirşağıda yerləşən mağazanın əməkdaşları isə alıcıların məhsul alarkən onun yararlılıq müddətinə özlərinin diqqət etməli olduğunu bildiriblər. Onların sözlərinə görə, alıcı soruşmadığı halda məhsulun son istifadə tarixi barədə ayrıca məlumat verilmir. Bununla yanaşı, çəkiliş zamanı mağazanın satış nümayəndəsinin əməkdaşlarımızın çəkiliş aparmasına mane olmağa çalışdığı da müşahidə olunub. Məsələ hazırda Qida Təhlükəsizliyi Agentliyinin nəzarətindədir. Qurumdan BTV-yə bildirilib ki, faktla bağlı araşdırma aparılır. Azərbaycan İstehlakçılar Birliyinin sədri Eyyub Hüseynov isə son vaxtlar şirniyyat məhsullarından zəhərlənmə hallarında artım müşahidə olunduğunu bildirib. Onun sözlərinə görə, bu cür halların qarşısının alınması üçün həm istehsalçı və satıcıların, həm də istehlakçıların məsuliyyəti artırılmalıdır. Beləliklə, hadisənin bütün tərəflərinin mövqeyini öyrənməyə çalışdıq. Çünki söhbət yalnız bir şikayətdən deyil, bir insanın sağlamlığından və bir ailənin yaşadığı narahatlıqdan gedir. Müəllif: Fərmanlı Camal © 2026 BTV Xəbər. Bütün hüquqlar qorunur. 📞 Qaynar xətt: 060 212 03 03 ✉️ E-mail: info@btvxeber.com 🌐 www.btvxeber.com #azza #azzatort #azzashirniyyat #azzamagazasi #azzazəhərlənmə #tort #tortdanzəhərlənmə #ekler #eklerdanzəhərlənmə #şirniyyat #şirniyyatdanzəhərlənmə #qıdazəhərlənməsi #qıdazəhərlənmə #qida #qıdagüvənliyi #qıdatəhlükəsizliyi #pirşağı #pirşağıda #bakı #bakıxəbərləri #azərbaycan #azərbaycanxəbərləri #sonxəbərlər #sondəqiqə #gündəm #hadisə #xəbər #xəbərlər #btv #btvxeber #btvxəbər #btvnews #qidaagentliyi #aqta #istehlakçı #istehlakçıhüquqları #tortxəbərləri #şirniyyathadisəsi #xəstəxana #58yaşlıqadın #zəhərlənməiddiası #azzaaçıqlama #azzaşirkəti