نصيحة من مطلقه ده الواقع المؤلم للمراه بعد الطلاق | والزواج الثاني

ظاهرة غريبة جدا بتحصل وكلنا بنلاحظها !! تلاقي الست اول ما تتطلق فجأة بقت واحدة تانية خالص.. اهتمام بنفسها، لبس، جيم، شغل، خروج.. ولو اتجوزت راجل تاني غير طليقها تحس انها بقت سوبر وومان مش ست عادية، فاضلها شوية وتلزق في الحيطة من كتر النضافة! البيت بيبرق، العيال في المدارس وفي التمرين في ميعادهم، هي بتشتغل وانشط واحدة في الشغل، وطول الوقت مهتمة بنفسها وشكلها. تيجي تبصلها وتقول معقولة جوزها الاولاني كان خنقها اوي كده؟ معقولة كان مطفيها؟ بس الحقيقة الصادمة اللي محدش بياخد باله منها ان طليقها ماكنش خنقها ولا حاجة، بالعكس حياتها التانية دي هي اللي مؤلمة ومتعبة جدا جدا. ليه؟ لانها عايشة في رعب.. رعب ان الجوازة التانية دي كمان تفشل. فبتعمل كل حاجة تقدر عليها واللي ماتقدرش عليها عشان المركب تمشي. طول الوقت خايفة جوزها يمل منها، يزهق منها، يسيبها، فتقول ساعتها العيب هيبقى مني انا. مع انها لو كانت عملت نص المجهود ده بس في جوازتها الاولى، كانت جوازتها كملت ونجحت! في الفيديو ده هنفسر نفسية الست المطلقة في جوازتها التانية، وليه بتيجي على نفسها اوي كده، وازاي الخوف من كلام الناس ومن لقب "فاشلة" بيخليها تدوس على صحتها ونفسيتها. لو الظاهرة دي شفتيها في حد قريب منك احكيلنا في الكومنتات، ولو انتي مريتي بيها قولي لنا حسيتي بايه؟ متنساش تعمل لايك وتشترك في القناة عشان يوصلك كل جديد عن العلاقات والاسرة وعلم النفس. null #الطلاق #الزواج_الثاني #المطلقة #علم_النفس #العلاقات_الزوجية #نفسية_المرأة #ظواهر_اجتماعية #الجواز_التاني #حياة_المطلقة