مداغيس العيال | خالد ال بريك & فيحان الاسعدي | ابدوي من خلقه الله على صبره وجلاده 2026

للتواصل والاستفسارات : +966579331257 _ مع مداغيش العيال وطلة سهيل " وبراده" ويش يمنعني لا سج الرجل في نجد العذيه لاغدا الوسمي يلج الرعد فالكون "وبلاده والبروق تلوح في عرض المزون العقربيه : كل ماساق المطر وبله على .. كبد الحماده زان ميعاد الشديد وطابت النفس الشقيه آشبك الغرفه براس السقس " ياراع القياده وآعرف دروب الوعر وآعرف دروب الجرهديه وان وصلت " لموقعك " صوت على العامل وناده خله يذكي الخروف .. ويضبط النا الشاذليه في طرف ( ذودً ) من يشوفه يبى يشوف السعاده مايغبط آهل الحضاره والبنوك العالميه لا سرح ذوده قدم عينه .. وكوع في اشداده اسفهل وجر صوته باللحون السامريه آبدوي ً ... من خلقه الله على صبر وجلاده مايطفي جيبه الا لين يفضي ( تانكيه ) آيتلحف مشلحه وآيمينه .. لـ راسه وساده ماعرف معنى الرفاهه والحياه المخمليه عادة البدوان ماتشكي من الوقت وجهاده لو تصاليهم ضروف الوقت بالنار اللضيه الولد منا يعيش المرجله داخل امهاده مايعرف الا اقلطو يامرحبا يالله حيه وان شعمنا نيرة الابيات ماترجع " رماده " ولانمجد غير مطنوخً ... يمينه حاتميه مثل ابن صلال نايف راسن يقوده عناده في الشجاعه والمواقف والطناخه والحميه راشدين" سمعته بين العرب فخر ورياده وان تقدم فالمواقف مايفكر فالمنيه وجه وجاهه يفض اليل الاسود من سواده وفعله يكفيه" واسمه ماهو بحاجة هويه جده الي ينطح الفريس في صهوة جواده يوم صوكات الحرايب والسيوف الصيرميه دون منسوع الجديل ودون مومية القلاده كم عقيدن يكسر عرامه على ظهر العبيه لا تعزوا ف ال راشد سل سيفه من غماده يكسب البل ويتنومس فالعزاة "الراشديه وانت ي نايف ولد صلال راسك راس قاده تعصب البسام وتحول على سوق المطيه ؟ راس قومً ينطح الماجوب ويحقق مراده وان تقدم مايجيب الا الشناح النخبويه يختم الشيك المصدق مايفكر فاقتصاده ولا يعزز مع بنات ابعيره الا العيدهيه كل ماهاج الهدب وآعلن عن سراه و هداده شفت ذيدان البدو تسرح معه صبح وعشيه راعي الشيخات لاحول على الشوط ابتلاده عرض آهل الصفر لدروب الشقى والمهمهيه ماقنى الا الطافح اللي تلتمخ رق وسناده كل صفراً لامشت مثل الفتاه الغشمريه ومن دخل لـ ارض الصياهد لايفكر فالركاده ارضها تبغى شجيعً يكحل العين القويه . فيحان الاسعدي