張國榮70誕辰紀念展揭幕 唐鶴德借出哥哥生前傢具展覽

張國榮70誕辰紀念展揭幕 唐鶴德借出哥哥生前傢具展覽 今年係已故巨星 張國榮 嘅70歲誕辰，哥哥生前經理人 陳淑芬 特別策劃張國榮70誕辰紀念展，當中展出近300件展品，包括多套哥哥喺舞台上嘅經典戰衣、飾物同鞋等，其中哥哥喺《跨越97演唱會》時著過嘅一對紅色閃閃鞋、金色外套、條子恤衫襯綠色閃褲，以及佢喺90年時告別樂壇演唱會上著過嘅斗蓬，還原昔日時尚風彩。 除咗衣著之外，仲有無數哥哥嘅唱片、獎項榮衍、電影海報、手稿歌詞以致fans嘅筆跡，展覽會亦重置溫哥華一張紀念哥哥嘅長椅，希望大家透過展覽好好回顧哥哥精彩一生。 展覽亦特別加插重組哥哥舊居場景，同粉絲分享鏡頭後生活化一面嘅哥哥，其中一個角落仲擺設咗一張大合照，陳太指呢張相係哥哥離世後首個生日，一班朋友都擔心唐唐，所以相約去哥哥生前摯愛唐鶴德屋企聚會，然後影咗呢張合照。陳太亦感謝唐唐提供大量展品，特別係其中一張書枱，係哥哥生前放置喺書房中，而且係經常使用。 而喺嚟緊嘅紀念演唱會上，陳太透露會有許冠傑、莫文蔚、張衛健、陳潔靈及新一代嘅後榮迷歌手參與，而揭幕禮上，亦曝光 鍾鎮濤 女兒 鍾懿 獻唱嘅一首新歌紀念哥哥。 #張國榮 #哥哥 #70歲誕辰 #陳淑芬 #唐鶴德 #借出物品 #經典戰衣 #獎座 #海報 #手稿歌詞 #傢具 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0