✨足本訪問：周家怡包場廣邀好友睇戲🎬自爆曾醉後推跌陳茂賢趣事💁🏻‍♂️幽默撐張迪文超大尺度新作💪🏻泰妹被張家輝cue跳蜈蚣彈？歐陽震華談與古天樂re-u演新劇 計劃搵關詠荷出山合作？｜Viu1現場實況

✨足本訪問：周家怡包場廣邀好友睇戲🎬自爆曾醉後推跌陳茂賢趣事💁🏻‍♂️幽默撐張迪文超大尺度新作💪🏻泰妹被張家輝cue跳蜈蚣彈？歐陽震華談與古天樂re-u演新劇 計劃搵關詠荷出山合作？｜Viu1現場實況 電影《媽樣年華》今晚由周家怡包VIP場，邀請一眾好友睇戲，有「大爺」歐陽震華、陳家樂、黃浩然、湯怡、麥秋成等！大爺搞笑話家怡成日喺佢面前失態，令家怡諗返起佢酒後嘅搞鬼事，自爆曾經推跌陳茂賢，睇嚟家怡收埋鐵沙掌大絕喎！佢又話本身有邀請老best佘詩曼嚟睇戲㗎，但有嘢做嚟唔到，至於肥仔就喺首映嗰日睇咗啦，獲讚Pole dance跳得好呀！ 講到跳Pole dance，最新花絮見泰妹喊住上Pole，因咩事咁傷心？待公映票房成績好，會唔會帶埋支Pole去謝票？或者反轉派出男將Jayden張迪文？Jayden秒推薦戲中另一演員陳湛文上場，一於嚟個雙人跳啦不如？家怡又指見泰妹最近喺《我阿爹想旅行》謝票場表演蜈蚣彈好堅，泰妹爆料話係張家輝即興cue，另一個choice嘅難道仲高添㗎！但嚟到《媽樣年華》，泰妹又會使出啲咩殺手鐧？ 家怡亦趁機幫「仔仔」Jayden宣傳其即將上映嘅《眾生相》，戲中Jayden有唔少超大尺度嘅性愛場口，家怡抵死用戲中對白：「佢有邊度我未睇過呀？」真係畀佢笑死！Jayden仲話當時瘦到有腹肌，依家已經肥返10kg！ 歐陽震華呢晚專程嚟撐家怡，開心對方榮升女一，想點名提劇名《火舞黃沙》連番失誤，要即場大聲問喺隔離做緊訪問嘅家怡，場面爆笑！佢憶起當年同家怡合拍《不速之約》拒絕對方嘅暗戀，依家希望二人再次合作，飾演返一對情侶！歐陽震華又大讚家怡喺《日落下的彩虹》嘅演出精彩，睇到拍爛手掌又身同感受！ 當講返起以前嘅電影劇，曾邀關詠荷出演《情逆三世緣》嘅歐陽震華話當年係鼓起勇氣搵關詠荷合作，希望有緣再聚！而佢最近就同古天樂合演電視劇《狩謊》，唔少網民興奮指係《美味天王》嘅re-u，歐陽震華亦開心話好有親切感！即刻睇足本訪問啦！ #媽樣年華 #周家怡 #歐陽震華 #張迪文 #泰妹 #陳家樂 #黃浩然 #湯怡 #麥秋成 #眾生相 #現場實況 #Viu1娛樂新聞 #Viu1煲劇平台 #Viu1 #Viu 記得Subscribe Viu1HK嘅YouTube Channel，Follow埋IG、Threads同Facebook page呀👇🏻 ___________________________________________________________ ►訂閱 Viu1HK YouTube Channel: https://bit.ly/3lYFNLW ►追蹤 Viu1HK Instagram:   / viu1hk   ►追蹤 Viu1HK Threads: https://www.threads.com/viu1hk ►讚好 Viu1HK Facebook page:   / viu1hk   ►觀看更多精彩內容：https://www.viu.com