70 acre Estate & Bungalow/Portuguese Architecture In Wayanad/Best top tourist places in Wayanad

വയനാട് ചുണ്ടേൽ എന്ന സ്ഥലത്ത് 70 ഏക്കർ എസ്റ്റേറ്റും കുന്നിൻ മുകളിൽ ഒരു എസ്റ്റേറ്റ് ബംഗ്ലാവുമുണ്ട്. അവിടെക്കുള്ള യാത്രയാണ് ഈ വീഡിയേ. ചുണ്ടേൽ നിന്നും തളിമല റൂട്ടിലൂടെ 6KM സഞ്ചരിച്ചാൽ വാകകോട്ട എന്ന സ്ഥലത്തെത്താം, ഇവിടെയാണ് 70 ഏക്കർ എസ്റ്റേറ്റും ബഗ്ലാവും സ്ഥിതി ചെയ്യുന്നത്. വാകക്കോട്ടയിലേക്കുള്ള വഴി പൊട്ടിപൊളിഞ്ഞ് പരിതാപകരമായ അവസ്ഥയിലാണ്. വാകകോട്ടയിൽ നിന്ന് കുറച്ചു കൂടി മുന്നോട്ട് നീങ്ങിയാൽ വയനാടിന്റെ സഹ്യനായ ചെമ്പ്രമലയ്ക്ക് കീഴെ ഹരിതാഭയോടെ തിങ്ങിനിൽക്കുന്ന തേയില താഴ് വാരം കാണം. ഇതാണ് 70 ഏക്കർ എസ്റ്റേറ്റ്. കയറി ചെല്ലുന്ന വഴിക്ക് തൊഴിലാളികൾക്കും മറ്റും വിശ്രമിക്കുവാനുള്ള ഒരു വിശ്രമ കേന്ദ്ര മുണ്ട്. അവിടെ നിന്നും തേയില പ്ലാന്റേഷന്റെ കാഴ്ച്ച അതി മനോഹരമാണ്. പ്ലാന്റേഷന്റെ ഒത്ത മധ്യഭാഗത്തുള്ള കുന്നിൻ മുകളിലാണ് ബംഗ്ലാവ് സ്ഥിതി ചെയ്യുന്നത്. ബംഗ്ലാവിന്റെ ഭംഗി കണ്ട് തന്നെ ആസ്വാധിക്കേണ്ടതാണ്. പോകുന്ന വഴിക്ക് പല ഭാഗങ്ങളിൽ നിന്ന് തലയെടുപ്പോടെ ഉയർന്നു നിൽക്കുന്ന ചെമ്പ്രമലയെ കാണുവാൻ സാധിക്കും. അതിനു താഴെയായി വിശാലമായി പരന്നു കിടക്കുന്ന തേയില തോട്ടവും. ഈ പടിക്കെട്ടുകൾ കയറി എത്തുന്നത്. കാണാനേറെ ആഗ്രഹിച്ച എസ്റ്റേറ്റ് ബംഗ്ലാവ് മുറ്റത്തെത്തിയാൽ അവിടെ പഴമയുടെ പ്രൗഢിയോടു കൂടി ചെറു ബംഗ്ലാവ് നിലകൊള്ളുന്നു. പ്രത്യേകം പറഞ്ഞുകൊള്ളട്ടെ. ""ഇവിടം ഒരു ടൂറിസ്റ്റ് കേന്ദ്രമല്ല. തീർത്തും സ്വാകര്യ ഉടമസ്ഥതയിലുള്ള സ്ഥലമാണ്. അതുകൊണ്ട് തന്നെ ബംഗ്ലാവിന്റെ മേൽനേട്ടക്കാരിൽ നിന്നും അനുമതി ലഭിച്ചാൽ മാത്രം, സ്ഥലം സന്ദർശിച്ച് മടങ്ങുക.""' പൗരാണികമായ ബഗ്ലാവും അതിനു പിറകിൽ തലയെടുപ്പോടെ ഉയർന്നു നിൽക്കുന്ന ചൊമ്പ്രാ മലയും. ഒരു മഞ്ഞുകാലത്ത്, മഞ്ഞു പുതച്ചു നിൽക്കുന്ന പ്രഭാതവും കണ്ട് ഇവിടെ താമസിക്കാൻ കഴിഞ്ഞെങ്കിൽ എന്ന മോഹം ആരുടെയും മനസ്സിൽ തോന്നിപ്പിക്കുന്ന കാഴ്ച്ചയാണിത്. ബ്രിട്ടീഷ് ബംഗ്ലാവെന്നും, പോർച്ചുഗീസ് ബംഗ്ലാവെന്നും, എസ്റ്റേറ്റ് ബംഗ്ലാവെന്നുമെല്ലാം ഇവിടത്തുക്കാർ വിശേഷിപ്പിക്കുന്ന ഈ നിർമ്മിതിയുടെ കാലമോ ചരിത്രമോ ആർക്കും തന്നെ അറിയില്ല. തങ്ങളുടെ കുട്ടിക്കാലം മുതലേ ഇതിവിടെ ഉണ്ടെന്നാണ് ചിലർ പറയുന്നത്. പ്ലാന്റേഷൻ നോട്ടക്കാരനും ഈ നിർമ്മിതിയെപ്പറ്റി യാഥോരു അറിവുമില്ല. എന്തായാലും പോർച്ചുഗീസ് വാസ്തു ശൈലിയിലാണ് ബംഗ്ലാവിന്റെ നിർമ്മാണം. പഴയ കെട്ടിടം വേണമെങ്കിൽ പിൽകാലത്ത് പുനരുദ്ധരിക്കപ്പെട്ടിട്ടുമുണ്ടാവാം. ബംഗ്ലാവ് മുറ്റത്ത് ഒരു മരത്തിനു ചുറ്റുമായി ഇരിക്കുവാൻ പാകത്തിൽ ഒരു വിശാലമായ ഇരിപ്പിടവും സജ്ജമാണ്. കൂറേക്കാലമായി ബംഗ്ലാവിൽ ആരും തന്നെ താമസിക്കുന്നില്ല. അതു കൊണ്ട് തന്നെ ബംഗ്ലാവിന് നല്ല കെടുപാടുകൾ സംഭവിച്ചിട്ടുണ്ട്. പ്ലാന്റേഷൻ നോട്ടകാരനാണെങ്കിൽ പിറകുവശത്തുള്ള ഗോഡൗണിലാണ് താമസം. സ്വകാര്യ തേയില പ്ലാന്റേഷന്റെ വസ്തുവകയായതിനാൽ ബംഗ്ലാവിന്റെ സംരക്ഷണം തീർത്തും അവരുടെ ഉത്തരവാദിത്വമാണ്. ബംഗ്ലാവിന് പിറകുവശത്തും തേയില താഴ് വരമുണ്ട്. തൊട്ടടുത്ത് തൊഴിലാളികൾക്ക് താമസിക്കുവാനുള്ള ഔട്ട് ഹൗസുകളുമുണ്ട്. കുറേക്കാലമായി പൂട്ടിക്കിടക്കുന്നതിനാൽ തന്നെ ബംഗ്ലാവിന് ഉൾവശം അത്യാവശ്യം തകരാറിലാണ്. മഴക്കാലത്ത് ചോർന്നോലിക്കും വിധത്തിലാണ് മേൽക്കൂരയുടെ പല ഭാഗങ്ങളും. വിശാലമായതും, മഞ്ഞു കാലത്ത് തീകയാനുള്ള സൗകര്യങ്ങളോടുകൂടിയതാണ് ഉൾവശത്തെ മുറികൾ. ബംഗ്ലാവിന് താഴെയായി ഒരു വെള്ളച്ചാട്ടമുണ്ട്. മഴക്കാലത്താണ് ഈ വെള്ളച്ചാട്ടം നിറഞ്ഞൊഴുകാറ്. Music credits We Make Up by tubebackr |   / tubebackr   Music promoted by https://www.free-stock-music.com Attribution-NoDerivs 3.0 Unported (CC BY-ND 3.0) https://creativecommons.org/licenses/...