Op het overgaan van Middelburg naar de opstandelingen (ca. 1574)

Een lied over het beleg van Middelburg. Op de melodie van het Wilhelmus. Tekst: Wilt nu ghy Nederlanden Te samen zijn verblijt Middelburch is in handen Des Princes nu ter tijt, Den Prince van Orangien Met sijn Vorstelijck ghemoet, Drijft het Crijchsvolk na Spangien, Uut Middelburch met spoet. Alleyn tot u welvaeren Voert de Prins desen strijdt, Om u te openbaren Hoe ellendich ghy zijt: Soo ghy nu leert regeeren Van vreemden spaenschen aert, Die u soekt te pilleeren, En daghelijcxs beswaert. Hoe heeft Middelburch schoone Verdraghen honghers cracht, Als t'Lants vryheyt ydoone, Niet anders heeft bedacht, Wat hebben ander steden End Landen int ghemeyn, So langhe alsins gheleden Door die Spangiaerts onreyn. Uwe dochters ende vrouwen, Bedenckt met herten vroet, De vryheyt der Landouwen En de inwoonders soet, Wilt vant ghewelt bevryen Van dees vreemder hier naer, Schattinghe en wilt niet lijen Des thienden Pennincx swaer. Spaensche Inquisitueren, Die u hebben gheplaecht, Verdrijft uyt uwer mueren Ontfanght u volck verjaecht, Laet Godes woort floreren U daer niet teghen stelt Soo sult ghy prospereren End vreesen gheen ghewelt. Wilt u tsamen verbinden Teghens de vreemden wreet, Waeyt niet met alle winden, Bedenck doch uwen eedt: Om tvolck thouden in vreden Hebt ghy ghesworen tsaem Het landt by sijn vryheden, Te bewaeren bequaem. Den Coninck is u schuldich Na sijnen eedt tis claer, Tslants vryheyt menichvuldich, Te beschermen eenpaer, So hy dat niet wil houwen, Maer ghebruyckt cracht en ghewelt Van uwen eedt vol trouwen Heeft hy u vry ghestelt. Den Prins wilt die hant bieden Die voor u tLeven waecht, Maeckt dat de vreemde vlieden, Daer over elck man claecht, Wilt ghy dit niet beherten Soo ghy moetwille drijft, Tis weert dat ghy met smerten, Eewichlijck slaven blijft. Dies met vromen ghemoede U Landt, lijf, ende goet, Wijf ende kint als de vroede, Beschermt nu wat ghy doet, Verliest ghy nu ten tijden Dese bequaemheyt groot, U naeckt van allen zijden, Dienstbaerheydt, angst, ende noot. Nederlandt ghy zijt neder Door de Spaengiaerts ghedruckt. Staet op, end slaet hem weder Die u soo scheert en pluckt, Maeckt met den Prins ghepresen, Een sterck verbondt voortaen, Voorspoedich sult ghy wesen, Oorloff, vaet dit vermaen. #geschiedenis #nederland #Middelburg #oranje #prins #nassau #Zeeland #lied #AI #willemvanoranje