دغفلت علاج دالله تعالی ذکر کول

دغفلت علاج دالله تعالی ذکر کول غفلت د زړه یوه خطرناکه ناروغي ده چې انسان د الله تعالی له یاد څخه لرې کوي. کله چې انسان غافل شي، نو لمونځ ورته دروند ښکاري، ګناه ورته اسانه شي او د آخرت فکر یې کمزوری شي. زړه ورو ورو تورېږي او د حق منلو طاقت له لاسه ورکوي. د دې غفلت تر ټولو غوره علاج د الله تعالی ذکر کول دي. ذکر د زړه ژوند دی، لکه څنګه چې روح د بدن ژوند دی. د الله تعالی په ذکر سره زړه ارامېږي، ایمان تازه کېږي او انسان ته د ګناهونو نه د ځان ساتلو قوت پیدا کېږي. ذکر انسان الله تعالی ته نږدې کوي او د شیطان وسوسې کمزورې کوي. نو که څوک غواړي له غفلت څخه وژغورل شي، باید د الله تعالی ذکر خپل عادت وګرځوي؛ که په ژبه وي، که په زړه وي او که په عمل کې. ځکه همدا ذکر د غفلت ریښتینی علاج دی.