مساجلة بين السديري وعمير بن زبن العتيبي | الشاعر والإعلامي الراحل ياسر الروقي

ياعمير خبرني عن العود هو تاب= وقضب طريق ملفلفين العمامه واعرض عن الزينات تلعات الارقاب= وعود معيف طالب السلامه ولايصافح لاجلهن كل مرقاب= على هوى نفسه تشيله عظامه من اول سرحان عادي ونهاب= دايم من الغارات تنطف الكامه اليوم مادري وش جراله من الاسباب= ماعاد نسمع بالعذارى كلامه الهقوه انه قاري قروة الداب= وحتى خرزها ناظمه في كلامه لوهو يتم الخمس في كل محراب= باق بقلبه من هوى البيض شامه قل له نبي من هالبراهين بكتاب= وحنا نميز غايته من كلامه الله يخون البيض غضات الاشباب= حطن في هاك البراطم علامه = ياعمير قله مانسيته ولاغاب= لو كان بالعارض وانا في تهامه فاجاب الشاعر عمير بن زبن عن والده قائلا: يامير ياحلال صعبات الانشاب= ياللي حويت المرجله والشهامه ان كان تنشدني عن العود هوتاب= وقضب طريق ملفلفين العمامه لابالله الاتاب للرب واناب= واظهر على مافات منه الندامه غض البصر من يوم شاف الشعر شاب= وخلا طواريق الهوى بانهزامه ماعاد له بملاقف الصيد مضراب= لو يعترض قدام وجهه نعامه العود يومنه يبا الصيد ماهاب= يلقف لهن مع كل نابي عدامه واليانوى ماهيب تنهار الا عصاب= يصطي اليا هاب الذليل الجهامه واليوم تاب وخاطره بس ماطاب= اليا ذكر بالكف رفع اللثامه وده بطرد الصيد مع كل مهذاب= لاشك خال الفشق من حزامه يخاف تالي العمر من عضة الناب= ثم تصير مع العلامه علامه الشاعر / عمير بن زبن عمير العتيبي