Axhem pilaf – sekreti i orizit me shije nga shefja e kuzhinës Albana Mançja - Mes’dritë

Përbërësit: 2 gota oriz kokërrgjatë 4 lugë gjelle makarona fidhe 1 lugë gjelle gjalpë 4 lugë gjelle vaj ulliri 3¼ gota ujë të nxehtë ose lëng pule Kripë dhe piper i zi Përgatitja: Lajmë orizin disa herë, derisa uji të dalë i pastër. E lëmë në ujë të vakët me pak kripë për 15–20 minuta dhe më pas e kullojmë. Në një tenxhere hedhim vajin dhe gjalpin, shtojmë makaronat fidhe dhe i skuqim në zjarr mesatar, derisa të marrin ngjyrë kafe të artë. Shtojmë orizin e kulluar dhe e përziejmë për 2–3 minuta. Më pas shtojmë ujin e nxehtë ose lëngun e pulës dhe kripën. Kur masa të vlojë, ulim zjarrin në minimum, vendosim kapakun dhe e gatuajmë për 12–15 minuta, derisa orizi të thithë të gjithë lëngun. Fikim zjarrin, vendosim një pecetë ose letër kuzhine nën kapak dhe e lëmë të pushojë për 10 minuta. Në fund, e përziejmë lehtë me pirun dhe e shërbejmë të ngrohtë. Këshillat e Albanës: Sekreti që orizi të dalë kokërr më kokërr dhe jo i ngjitur është të mos e përziejmë gjatë zierjes. Pushimi në fund është shumë i rëndësishëm për një rezultat të përsosur. Për një aromë të këndshme, shtojmë disa pika lëng limoni. “Mes’dritë”, emisioni që e nis ditën me informacion, aktualitet, histori njerëzore, këshilla dhe tema që na prekin të gjithëve. Nën moderimin e Alma Çelaj, “Mes’dritë” ju shoqëron nga e hëna në të shtunë, ora 09:00-11:00. Një mëngjes i nisur ndryshe, me një përzgjedhje të pasur temash sociale, aktuale dhe me energji të mirë. #vizionplustv #mesdrite #almacelaj