ជួសជុលប្រាង្គឥដ្ឋលេខ១២ លេខ១៣ និងលេខ១៤ ជ្រុងឦសាននៃប្រាសាទបាគង

អ្នកជំនាញនៃអាជ្ញាធរជាតិអប្សរា បានចាប់ផ្តើមជួសជុលពង្រឹងប្រាង្គឥដ្ឋលេខ១២ លេខ១៣ និង១៤ ដែលស្ថិតនៅខាងក្រៅកំពែងទី២ នាជ្រុងឦសានរបស់ប្រាសាទបាគង ដែលមានស្ថានភាពខូចខាតធ្ងន់ធ្ងរ។ ក្នុងចំណោមប្រាង្គឥដ្ឋទាំង៣នេះប្រាង្គលេខ១២ និងលេខ១៤ បានរលំបាក់ខូចខាតដល់ខឿន។ ចំណែកប្រាង្គឥដ្ឋលេខ១៣ ថ្វីត្បិតតែនៅមានរូបរាងពីខឿនដល់កំពូល ប៉ុន្តែជញ្ជាំងផ្នែកខាងមុខ ដែលទាមទារឱ្យមានការជួសជុលសង្គ្រោះជាបន្ទាន់ដែរ ដើម្បីថែរក្សាប្រាសាទដែលមានអាយុកាលជាង១០០០ឆ្នាំទាំងនេះឱ្យនៅឈររឹងមាំបន្តទៀត។