Paco Park Presents "Arimunding-Munding" (Isang Konsyerto ng Kundiman)

Ito ay isang pagtatanghal ng mga sinaunang awiting Pinoy o Kundiman. Itinatampok rito ang mga mang-aawit na si Binibining Noemi De Borja at Ginoong Celing Alejandrino kasama ang batikang gitarista na si Ginoong Eddie Suarez. (Mga kasaling awitin: "Pista sa Nayon", "Caprichosa", "Pobreng Alindahaw", "Silayan" at "Arimunding-Munding") Pinasasalamatan ng taga-limbag ang mga kawani at tagapamahala ng Paco Park Presents - Bb. Juliet Villegas, Bb. Thea Perez at Ginoong Reynaldo Marpuri. Isang muling taos pusong pasasalamat kina Bb. Noemi De Borja at mga Ginoong Celing Alejandrino at Eddie Suarez para sa pagtatanghal at sa mga kuhang litrato. Isang paumanhin din ang paabot ng taga-limbag ng video sa mga manonood dahil sa limitasyong teknikal ng kamera ukol sa kalidad ng kuha. Salamat sa inyong pang-unawa.