Փաշինյանն իր իսկ խմբագրած զեկույցից ցնցվե՞լ է․ բա ո՞ւմ համար էր այդ ներկայացումը

Փաշինյանն իր իսկ խմբագրած զեկույցից ցնցվե՞լ է․ բա ո՞ւմ համար էր այդ ներկայացումը Նիկոլ #Փաշինյան ը նախ հայտարարում է, որ նոր է ծանոթացել Հայ Առաքելական եկեղեցու վերաբերյալ հրապարակված զեկույցին և դրանից հետո հասկացել, թե որքան ծանր է իրավիճակը, իսկ ավելի ուշ ընդունում է, որ ինքն էլ մասնակցել է զեկույցի խմբագրմանը։ Հարցն այն է՝ ինչո՞ւ է նույն թեմայի շուրջ հանրությանը ներկայացվում իրար չհամապատասխանող երկու տարբեր պատմություն։ Այս տեսանյութում խոսում եմ կառավարության հանձնարարությամբ կազմված զեկույցի, դրա պատրաստման գործընթացում Նիկոլ Փաշինյանի մասնակցության և այն հակասության մասին, որը առաջանում է նրա տարբեր հայտարարությունները համադրելուց հետո։ Անդրադառնում եմ նաև քաղաքական խոսքի նկատմամբ պատասխանատվության բացակայությանը և այն հարցին, թե ինչու նման հակասությունները #Հայաստան ում գրեթե երբեք քաղաքական հետևանք չեն ունենում։ Անդրադառնում եմ նաև այն վտանգին, որ #եկեղեցի ն, որպես համահայկական ամենահին և ազդեցիկ ինստիտուտներից մեկը, կարող է երկարատև վարկաբեկման ու թուլացման գործընթացի մեջ հայտնվել։ Խնդիրը միայն առանձին հոգևորականների կամ ներքին խնդիրների մասին չէ, այլ այն համակարգի, որը տասնամյակներ ու դարեր շարունակ հայկական ինքնության և պատմական հիշողության կրողներից մեկն է եղել։ Այս իրավիճակում կարևոր է հասկանալ ոչ միայն առանձին հայտարարությունները, այլ ամբողջ գործընթացի տրամաբանությունը և այն, թե ինչ հետևանքներ կարող է այն ունենալ պետություն-եկեղեցի հարաբերությունների համար։ Դիտեք տեսանյութը մինչև վերջ, գրեք ձեր կարծիքը մեկնաբանություններում և տարածեք այն։