BU EVƏ GÖRƏ OĞLANLARIMA QIZ GƏLMƏYƏCƏK! | Sumqayıtda Qəzalı Yataqxana: Panellər Lay-Lay Qopur

Sumqayıtın 42-ci məhəlləsindəki 16 saylı yataqxananın sakinləri binanın qəzalı olduğunu bildirir və söküntü planına salınmasını istəyirlər. Sakinlərin sözlərinə görə, yataqxananın vəziyyəti ilə bağlı dəfələrlə mediaya müraciət edilsə də, indiyədək əsaslı tədbir görülməyib. Binanın mərtəbələrarası panellərində çatlar, qopmalar və aralanmalar yaranıb. Bəzi hissələrdə panellərin lay-lay qopması nəticəsində mərtəbələr arasında boşluqlar əmələ gəlib. Sakinlər aşağı mərtəbədən yuxarı mərtəbənin göründüyünü və bu şəraitdə yaşamağın təhlükəli olduğunu bildirirlər. Hazırda Sumqayıtda qəzalı və yararsız vəziyyətdə olan bir sıra köhnə yaşayış binalarının söküntüsü aparılır. Yataqxana sakinləri bəzi sökülən binaların onların yaşadığı binadan daha yaxşı vəziyyətdə olduğunu iddia edirlər. Sakinlərin əsas tələbi 16 saylı yataqxananın texniki vəziyyətinin Sumqayıt Şəhər İcra Hakimiyyəti və digər aidiyyəti qurumlar tərəfindən yerində qiymətləndirilməsi, binanın gələcək söküntü və yenilənmə planlarında nəzərə alınmasıdır. Ətraflı Barometr TV-nin reportajında. Bizi sosial şəbəkələrdə izləyin: Telegram: https://t.me/barometrtv İnstagram:   / barometr_tv   TikTok: https://www.tiktok.com/@barometrtv?_t... BU EVƏ GÖRƏ OĞLANLARIMA QIZ GƏLMƏYƏCƏK! | Sumqayıtda Qəzalı Yataqxana: Panellər Lay-Lay Qopur #Sumqayıt #16SaylıYataqxana #QəzalıBina #SakinlərinŞikayəti #BarometrTV Müəllif hüquqları qorunur ©