BUKU ENDE HKBP No. 831 Buku Logu No. 831 TUNG JOTJOT AU (Vokal & Musik)

TUNG JOTJOT AU Buku Ende No. 831 Buku Logu No. 831 1. Tung jotjot au songon boru Samaria mangalap aek tu sumur i Hape so boi sombu uasna, mulak ulak pe mangalap i Tung tuani ma ro Jesus manjouhon "Au do aek hangoluan i Pangido asa hulehon aek pasombu uasmi" Ale Jesus aek hangoluan gohi dohot panginumanhi Asa sombu uas na di rohangki asa sonang gok dame tondingki 2. Tung torop do jolma i na tarlalap lao mangoloi dagingna i Suda gogona mamingkiri holan ngolu sisatongkin i Di ujung na pe ingkon sai tarhirim molo so ro Jesus i Ai holan marhite Ibana, jumpang hita hangoluan i Ale Jesus aek hangoluan gohi dohot panginumanhi Asa sombu uas na di rohangki asa sonang gok dame tondingki 3. Molo mauas tondimu ale dongan, hatop ma ro tu Jesus i Ibana do aek hangoluan, sai tangihon ma hataNa i Di Ibana dapot ho hasonangan, pasahat ma dirim tusi Mardame ho jala martua, rodi salelenglelengna i Ale Jesus aek hangoluan gohi dohot panginumanhi Asa sombu uas na di rohangki asa sonang gok dame tondingki _________________________________________ Pemain Musik : Josua P. Tampubolon, S.Si ________________________________________ Penyanyi: C.Pdt. Tobar Simanungkalit, S.Si Teol ________________________________________ #hkbp #kantorpusathkbp #gerejahkbp #huriakristenbatakprotestan #bukuende #bukulogu #nyanyiangerejawi #lagurohanibatak #himnegereja