Jagdambe Araj Sun Ambe || He Jagdambe Araj Sun Ambe Bhaju m Bhuj lambe || Full Video

Jagdambe Araj Sun Ambe || He Jagdambe Araj Sun Ambe Bhaju m Bhuj lambe || Full Video #Jagdambe #Araj #Sun #Ambe जगदम्बे अर्ज सुण अम्बे भजूं माँ भूजलम्बे  राखिजै सिर पै हाथ यै,, मैया सुणजै म्हारै मनडे़ री बात ये गाँव सुवाप घर सासरो साठिकै धाम सजायो देशाणै। महिमा छाई माँ मेहाई  जननी आखो जग जाणै दुनिया आवै धोक लगावै गुण गिरजा रा गावै दर्शण दिज्यो जगदम्बे सुध लिज्यो सदांई रिज्यो साथ यै,,,मैया स,,, मेहदूलारी तूँ महतारी घण परिवारी उपकारी बैठ्यो तो ये अम्बै आप भरोसे झगडू ज्यूँ तरणी त्यारी किरपा करदे ऐसो वरदे लाज राख रखवारी। विरद विचारो दर्द दुख टारो  सुधारो बिगडी़ बात ये।। ब्रह्म उपाया जगत बसाया सृष्टि रचावत तूँ सारी सुर नर ध्यान धरत सेवा में निवें निरंतर नर नारी नारद सारद नाम रटे नित आरत इंद्र उच्चारी। सकलाई दशो दिश छाई  बडी़ है करामात ये शेख छूडावण सिंध सिधाई चील बणी उड़ नभ चाली सापूं पुकार करी संकट में दौड़त आई डाढा़ली सुरभि घेर लाई घर सांप्रत दुष्ट मार दोऊं डारी। अवतारी आवड देह दुजी धारी  जगत में विख्यात ये भीड़ पडन्ता भगत बुलावै आय उबारै अगवाणी रक्षा मात रात दिन राखै संकटमोचन सुरराणी कान सुणै करुणा किनिंयाणी धिन धिन माँ धनियांणी। हरसावो आंगण बरसावो सुमन बरसात ये। देख्यो तो ये मैया इण दुनिया ने मतलब की खातिरदारी। कोण सुणै किणनै रे सुणाऊं स्वार्थ भरियो संसारी आप बिना नही और आसरो  सौपी जिंदगी सारी। भव तारी करिजै मत देरी  शर्म थांरै हाथ ये।। मिषण पर कर मेहर मावडी़ सगत राखजै सिरपाणि। दीन महेश खडा़ तव द्वारे अंब सुणो आरत वाणी सदा सुमिरता सेवग शरणै रोग दोख हर राणी आय उबारो दया उर धारो रटूं माँ दिन रात ये।।