真係打到嚟？各國政府接連叫人儲糧？香港原來都有15日食米儲備!｜財經大排檔

英國政府突然大力宣傳防災，叫家庭準備至少3日應急物資，包括食物、飲用水、電筒，甚至現金。 歐盟又叫人準備72小時物資，瑞典更加建議預備一星期。 究竟歐洲政府係咪知道啲市民唔知道嘅事？真係準備打仗，定係大家誤會咗？ 今集《財經大排檔》，我哋由英國最新「Be Ready」防災宣傳講起，拆解歐洲各國點解鼓勵市民儲備物資，再睇返香港嘅真實情況。 原來香港早已有維持15日食米供應量嘅儲備制度！不過，15日只係食米，唔代表所有食物都有同樣保障。 我哋仲會重溫： 🔸 2022年疫情期間，香港跨境食品供應點樣一度受阻？ 🔸 元朗電纜橋大火，點解可以令約17.5萬個電力客戶受影響？ 🔸 如果香港突然停電、停水、電子支付失靈，普通家庭可以應付幾耐？ 🔸 香港人究竟需唔需要準備72小時應急物資？ 防災唔等於世界末日，更加唔代表一定會打仗。但一個高度依賴物流、電力同網絡嘅城市，究竟有幾脆弱？ 你覺得香港應唔應該推出類似英國嘅全民防災指引？ 歡迎留言分享你嘅睇法。 👍 覺得今集有用，記得俾個Like，訂閱《財經大排檔》！ #財經大排檔 #防災準備 #世界末日 #香港 #英國 #儲糧