LUNGSIETNA TÂWPLO | Lily Lalparmawi

LUNGSIETNA TÂWPLO Singer & Composer : Lily Lalparmawi Joute Re-arranged : Joshua L Joute Music : Rodik Keivom Recording : Pulamte Recording Studio Videography& Editing : keircsinate|pictures Special Thanks : Pu Suma Darngawn & family suk suok theia a um hi Lalpa ropuitak raw seh. 15th September, 2023 khan ka NU dittak chun tuoksiet tuokin, vawisûn chen hin lâwn thei lovin khumbeta a la um zing a. Natna le harsatna hai hin a mi hang thlâk bûk tak tak pha chu, beiseina hi a tâwp a, pênkhat pên khawm hi a harsa hlak. Chuonga beidawng le rinum ti taka ka umlâi chun, hringnun a hin thuneina ei neinaw zie le hrillawkthei ei nei naw zie hai ka ngaituoa, nisienlakhawm, chuonghai po po chunga chun Lungsietna Tâwploa mi enkawltu PA ka nei zie chiengtakin ka hung hriet thar ta a nih. Hi hla a puitling theina dinga mi sponsortu ka pa Lalnunmawi Zote hai sungkuo chunga ka lawmtakzeta, iengkim a tûl le pawimaw ding hai mi ngaituo peka mi buoipuitu ka pa Rev. Evan John hai sungkuo chunga khawm lawmthu ka hril bawk a nih. Ka lungrila ka'n hrietchiengna le Pathien mi pâwlna hai testimony anga ka zieksuok ve el, hla puitlinga mi siempuitu ka u Joshua Lalrawngbawl a chunga khawm lawmthu ka hril bawk a nih. Siet kan tuoka inthawka vawisun chena mi ditsaktu le tawngtaina a mi hre zing hlaktu hai po po chunga lawmthu ka hrila, in tawngtaina le ditsakna hai zâr zovin, tuhin ka nu chu that tieng a pan peia, la lâwn thei hri naw sienkhawm, um hmuna "NU" ti a ko thei ding kan la nei hi mi hmangaitu, mi ditsaktu, mi tawngtaipektu nangni hai zâr liu liu a nih. ♡Lily Lalparmawi Joute