Ниноцминда отмечает 196 - летие. Նինոծմինդան դարձավ 196 տարեկան

Նինոծմինդայում մեծ շուքով և բարձր տրամադրությամբ նշվեց քաղաքի տոնը։ Այս տարի քաղաքը դարձավ 196 տարեկան։ Տոնական միջոցառմանը ներկա էին Սամցխե-Ջավախքի նահանգապետ Իոսիբ Ալիբեգաշվիլին, Վրաստանի խորհրդարանի պատգամավորներ Սմբատ Կյուրեղյանն ու Սամվել Մանուկյանը, Նինոծմինդայի քաղաքապետ Անիվարդ Մոսոյանը, Սակրեբուլոյի նախագահ Վահան Արոյանը:Քաղաքի 196-ամյակին նվիրված միջոցառումն աչքի էր ընկնում բազմաբովանդակ ծրագրով։ Տոնական օրը ներառում էր մշակութային ելույթներ, երաժշտական և պարային կատարումներ, ինչպես նաև տարբեր սպորտային միջոցառումներ։ Կազմակերպվել էին ֆուտբոլի և վոլեյբոլի մրցումներ, շախմատի ու շաշկու խաղեր, ցուցադրական կարատեի և ըմբշամարտի ելույթներ։ Մրցումներում լավագույն արդյունքներ գրանցած մարզիկներն ու թիմերը պարգևատրվեցին՝ արժանանալով մեդալների, պատվոգրերի և մրցանակների։Օրը լի էր ազգային ավանդույթներով, մշակույթով, սպորտային ոգով և համախմբվածության գեղեցիկ դրսևորումներով։ Շնորհավոր 196-ամյակդ, Նինոծմինդա։ Թող քաղաքդ միշտ ծաղկի ու զարգանա։