Sanna: Nuup Kangerluani saliineq 2022 KAL

Sanna’p aalisartut suleqatigalugit ningittakkat 12 kubikmeterit, qassutit 10 kilometerit aqerlullu 1 tonsit ukiuni kingullerni pingasuni qallorsimavai. Immap naqqanik saliilluni qalluinerit maannamut Torsukattammi, Qeqertarsuup Tunuata sinnerfani aammalu Nuup Kangerluani ukiuni 2020, 2021 aammalu 2022imi ingerlanneqarsimapput. Ukiuni taakkunanii pingasuni qallorneqarput: • Qassutaarsiutit 10 kilometerit missaat • 25 pullatit • 12 kubikmeterit ningittakkat • Aquuteqarak ataaseq • Puttatitsisssutit saviminersuit 4 • Allunaasat • puttaqutit • kisat il.il. • 1.061 kg aqerlut Suliniut siulleq Avatangiisinut aningaasaaqarfimmit aningaasalerneqarsimavoq, kingornalu qassutaarsiutinik qalluinerit Nunatsinni Ilisiamtusarnermik Siunnersuisoqatigiinnit aningaasaliiffigineqarsimavoq. Aalisartoq piniartorlu Boje Lange SQAPK’meersoq Torsukattammi qallueqataasimavoq, Nuup Kangerluani qassutaarsiutinik qalluinermi aalisartut Kristian Olsen aammalu Inuk Berthelsen Neqitaq’meersut qassutaarsiutinik qallueqataasimasut, videolu una Nuup Kangerluani immiussaavoq. Ilisimatusartoq Rasmus Nygaard Pinngortitaleriffimmeersoq aningaasanik qinnuteqartuullunilu suliniutinik ingerlatsisuusarpoq. Rasmus-ip videot ukua immiullugit nammineq katitigarai.