عناية يسوع - مرقس ٨ : ١ - ١٠

وليوم رح نحكي عن عناية الرب النا ورح نكون عم منتأمل بعجيبة يسوع بس طعمى ال4000 هذه الحادثة شبيهة كثير للحادثة يلي تأملنا فيها سابقاً بس يسوع طعمى ال5000 عائلة ومرقس ما عم بكرر العجيبة بس ليعبي صفحات مرقس عن قصد دوّن هذه العجيبة المشابهة لأنه عم بوصل رسالة من خلالها.ش ورح نشوف مع بعض شو هي هذه الرسالة بس ليوم يلي رح نتأمل في هو: دروس عن عناية يسوع بس قول عناية – عم بقول اهتمام الرب النا - كيف الرب بيعتني فينا العناية هي يدّ الله الحنونة يلي بتنقذنا من الشرّ وبتصنع معنا الخير يلي بتسدّ احتياجاتنا – يلي بتحمينا – يلي بتعطي خبز ومياه هلاء الموضوع كثير واسع من هيك بس رح نكتفي ليوم بهذا التعريف حابب اعطيكن شوي اية بتوصف عناية الرب: مزمور 121: 1-2 أَرْفَعُ عَيْنَيَّ إِلَى الْجِبَالِ، مِنْ حَيْثُ يَأْتِي عَوْنِي! مَعُونَتِي مِنْ عِنْدِ الرَّبِّ، صَانِعِ السَّمَاوَاتِ وَالأَرْضِ. المعونة بتجي من الرب – هو خالق كل شيء وهو سيّد على كل شيء فالرب بيستخدم سلطانه ليكون عم بيهتمّ فينا ويعتني فينا السماء والأرض اله – ويقود هو كل شيء ليكون عم بيهتم فينا ايوب 10: 12 ايوب بقول: مَنَحْتَنِي حَيَاةً وَرَحْمَةً، وَحَفِظَتْ عِنَايَتُكَ رُوحِي رغم ألامه واوجاعه وخسارته – أيوب شهد ان عناية الرب مرافقته اعطته حياة وفرجته رحمة وهذه هي العناية – بتبيّن من اعطاء الحياة الى كل تفصيل بحياتنا متى 6: 26 اُنْظُرُوا إِلَى طُيُورِ السَّمَاءِ: إِنَّهَا لاَ تَزْرَعُ وَلاَ تَحْصُدُ وَلاَ تَجْمَعُ إِلَى مَخَازِنَ، وَأَبُوكُمُ السَّمَاوِيُّ يَقُوتُهَا. أَلَسْتُمْ أَنْتُمْ بِالْحَرِيِّ أَفْضَلَ مِنْهَا؟ يسوع عم بقول اذا الآب بيهتم بكل عصفور موجود على الأرض معقول ما يهتمّ ويعتني فينا نحن؟ خليقته المميّزة يلي هي افضل من العصافير؟ وكثار المقاطع والاختبارات يلي بيوصفوا عناية الرب النا وليوم نصنا مثال عن ذلك يسوع رح يعتني ب4000 انسان ورح نشوف 3 دروس عن عناية يسوع