БЕС ЖЫЛДЫҚ БЕЛЕС: БЕЛСЕНДІ ӨМІР, БЕРЕКЕЛІ ҚАРТТЫҚ.

Домбыраның күмбірі, ұлттық би, сән көрсетілімі мен спорт. Елордада Халықаралық қарттар күніне орай «Қарттарым – асыл қазынам!» атты мерекелік флешмоб өтті. Бір алаңға қаланың алты ауданынан 400-ге жуық зейнеткер жиналды. Бірі күй тартып, бірі би биледі, енді бірі сән көрсетілімінде подиумға шықты. Скандинавиялық жүріс, цигун, айкүне және гимнастикамен айналысатын қариялар да өз өнері мен дайындығын көрсетті. Бүгінде елордадағы Белсенді ұзақ өмір сүру орталықтарына 22 мыңнан астам зейнеткер келеді. Мұнда 20-дан астам әлеуметтік қызмет түрі ұсынылады. Жас ұлғайған сайын өмірдің ырғағы бәсеңдеуі міндетті емес. Өйткені белсенді өмірдің жасы жоқ.