HG: Türkmenistanda Internet çäklendirmeleriniň gerimi ýene 'giňäp başlady', näme üçin şeýle bolýar?

Şu günki programmamyzda: Azatlyk Radiosynyň habarçylary we çeşmeleri ýurduň ähli sebitlerinde Internet çäklendirmeleriniň geriminiň ýene-de giňeldilip başlanandygyny, soňky wagtlarda onlaýn messenjerlerden we beýleki platformalardan peýdalanmagyň has-da kynlaşandygyny habar berýärler. Azatlygyň habarçysy Balkan welaýatyndaky Oba Hyzmat önümçilik we transport kärhanalarynyň birnäçe jogapkär işgäriniň saklanandygyny, olaryň garşysyna ýangyç ogurlygy aýyplamasy esasynda jenaýat işleriniň gozgalandygyny habar berýär. Işi derňelýän adamlar geçen hepde, dizel ýangyjynyň we çalgy ýaglarynyň ýiti ýetmezçiliginiň arasynda geçirilen barlaglardan soň saklanypdyr. Türkmen häkimiýetleri bu hili ýagdaýlar boýunça ne ilata, ne Azatlygyň habarçylaryna resmi düşündiriş berýär. Russiýanyň we Ukrainanyň wekiliýetleri üç ýyldan gowrak arakesmeden soň ilkinji gezek ýüzbe-ýüz geçiriljek parahatçylyk gepleşiklerine gatnaşmak üçin Türkiýä geldiler. Emma gepleşiklere prezident Wladimir Putiniň gatnaşmazlygy sebäpli taraplaryň wekiliýetleri has pes derejeli resmilerden ybarat bolar. Habarlaşmak üçin: • Whatsapp: +420 724 168 989 we +420 773 797 383 • Telegram: @Azathabar #habarlar