1. Wuɔ lëc Awä Nhialic, Yïn lecku Bɛnyda

1. Wuɔ lëc Awä Nhialic, Yïn lecku Bɛnyda, Piathdu abuk nyuɔ̈th juɔ̈ɔ̈r Nhialic Nhialiny de Jakop në Yïn löm lɛc ënɔŋ wuɔ. Wuɔ bë nhuɔɔmdu ket në diɛt Bɛ̈nydït ë cak wuɔ. Nhialiny de pïïr athɛɛr, Nhialiny de käc de piɔ̈u, Yeeŋö thöŋ ke Yïn. Yïn ye athiɛɛi ënɔŋ wuɔɔk. Yeeŋö kɛ̈nnë looi Awä? Këriɛ̈ɛ̈c ëbɛ̈n ye luɔ̈i wuɔ Wää, Aye luɔ̈i wuɔ buk ya naŋ pïïr. Nhialinyda Yïn buk ya leec, Yïn buk leec agut cë athɛɛr. 2. Ɣɔn ciɛk Yïn raan Nhialic Yekoba, Go cak ke thɔ̈ɔ̈ŋë rɔt acïn län ca nhoom cë yen. Ee nhiɛ̈ɛ̈rdu Wää Yekoba, yenka cïn e cak Ku gäm ë riɛɛr bë nyin ya tïït në käŋ kedhiɛ. 3. Ɣɔn në yuïïk de raan, go dhiac ke Yïn cïït Yï nhom Në luɛ̈ŋ de raan go mɛnhdu tuɔ̈ɔ̈c, Bë thou në rɛ̈ɛ̈c de kuan Adem cë yuïïk. Awuɔ cë nhiɛ̈ɛ̈rdu tïŋ Nhialiny piɛthda. Lɛcda ku nhuɔɔm aabë ya tɔ̈ ke Yïn athɛɛr. 4. Yïn ye Nhialiny nhiaar wuɔ Nhialiny de athiɛɛi, Bɛ̈ny de nhiɛ̈ɛ̈r Nhialiny ye piɔ̈u käc. Awä ee nhiɛ̈ɛ̈r, yenka Yïn wuɔ puɔɔth ku acie piɛnhda. Yïn buk ya leec Awä Nhialic Mëlëŋ de mëlëëk.