Sallatë me kastravec plot shije nga Shefja e kuzhinës Albana Mançja - “Mes’dritë”

Përbërësit: 4 kastravecë të vegjël 1 spec djegës 4 qepë të njoma 2 thelpinj hudhër 1 lugë gjelle salcë soje 1 lugë gjelle vaj ulliri 1 tufë majdanoz të freskët Lëngu i ½ limoni Kripë sipas shijes Fara susami për dekor Përgatitja: Vendosim kastravecët në një qese ushqimore dhe i rrahim lehtë me rrahësen e mishit, derisa të çahen pak. I presim në copa mesatare. Presim specin djegës dhe qepët e njoma në feta të holla, ndërsa majdanozin e grijmë imët. Në një tas përziejmë salcën e sojës, vajin e ullirit, lëngun e limonit dhe hudhrën e shtypur. Shtojmë kastravecët, specin, qepët dhe majdanozin. I trazojmë mirë, në mënyrë që të përthithin aromat e salcës. Në fund e spërkasim sallatën me fara susami dhe e shërbejmë menjëherë. Këshilla e Albanës: E lëmë sallatën për 10–15 minuta në frigorifer para servirjes, në mënyrë që shijet të bashkohen më mirë. “Mes’dritë”, emisioni që e nis ditën me informacion, aktualitet, histori njerëzore, këshilla dhe tema që na prekin të gjithëve. Nën moderimin e Alma Çelaj, “Mes’dritë” ju shoqëron nga e hëna në të shtunë, ora 09:00-11:00. Një mëngjes i nisur ndryshe, me një përzgjedhje të pasur temash sociale, aktuale dhe me energji të mirë. #vizionplustv #mesdrite #almacelaj