Ayşən Mehdiyeva, Səbuhi İbayev, Kamilə Nəbiyeva - "Şur" muğamı - 2022

Əziz kanalınızın izləyiciləri! Sizə əməkdar artist Səbuhi İbayev, Kamilə Nəbiyeva və Ayşən Mehdiyevanın ifasında "Şur" muğam dəstgahını təqdim edirik. Muğam dəstgahı Beynəlxalq Muğam Mərkəzinin "Muğam axşamları" layihəsi çərçivəsində 17 mart 2022-ci ildə lentə alınıb. Xanəndələri tarzən Rəşad İbrahimovun rəhbərliyi ilə "Muğam" instrumental ansamblı müşayiət edir. - - - - - - - - - - - - - - - - - - - - - - - - - - - - - - - - - - - " Ş U R " M U Ğ A M I Oxuyurlar : SƏBUHİ İBAYEV (əməkdar artist) KAMİLƏ NƏBİYEVA AYŞƏN MEHDİYEVA Müşayiət edirlər : tar : Rəşad İbrahimov kamança : Təbriz Yusubov qanun : Təranə Əliyeva (əməkdar artist) balaban : Rafael Əsgərov ud : Vasif Yusifli nağara : Vüsal Bayramov - - - - - - - - - - - - - - - - - - - - - - - - - - - - - - - - - - - - " Ş U R " M U Ğ A M I Dəraməd 00:06 - 02:21 Təsnif 02:21 - 03:57 Bərdaşt 03:57 - 09:54 Mayə 09:54 - 14:59 Təsnif 14:59 - 18:17 Şur-Şahnaz 18:17 - 24:26 Rəng 24:26 - 25:25 Şur-Şahnazın ardı 26:25 - 26:52 Bayatı-Türk 26:52 - 29:06 Rəng 29:06 - 29:59 Bayatı-Türkün ardı 29:59 - 32:59 Şikəsteyi-fars 32:59 - 44:30 Simayi-Şəms 44:30 - 47:45 Hicaz 47:45 - 49:49 Sarənc 49:49 - 55:58 Qəməngiz 55:58 - 57:10 Təsnif 57:10 - 57:56 Simayi-Şəmsə əyaq 57:56 - 58:24 - - - - - - - - - - - - MUĞAMDA OXUNAN QƏZƏLLƏR (BƏRDAŞT, MAYƏ) müəllif : Məhəmməd Füzuli (1494-1556) Pənbeyi-daği-cünun içrə nihandır bədənim, Diri olduqca libasım budur, ölsəm, kəfənim. Canı canan diləmiş, verməmək olmaz, ey dil! Nə niza eyləyəlim, ol nə sənindir, nə mənim. Daş dələr ahim oxu, şəhdi-ləbin şövqindən, Nola zənbur evinə bənzəsə beytül-həzənim. Tövqi-zənciri-cünun daireyi-dövlətdir, Nə rəva kim, məni ondan çıxara zəfi-tənim. Eşq sərgəştəsiyəm, seyli-sirişk içrə yerim, Bir hübabəm ki, həvadən doludur pirəhənim. Bülbüli-ğəmzədəyəm, bağü bəharım sənsən, Dəhənü qəddü rüxün, qönçəvü sərvü səmənim. Edəməm tərk, Füzuli, səri-kuyin yarın, Vətənimdir, vətənimdir, vətənimdir, vətənim!! (ŞUR-ŞAHNAZ) müəllif : İmadəddin Nəsimi (1369-1419) Üzünü məndən nihan etmək dilərsən, etməgil! Gözlərim yaşın rəvan etmək dilərsən, etməgil! Bərgi nəsrin üzrə mişkin zülfün Sən dağıdıb, Aşiqi bixaniman etmək dilərsən, etməgil! Qaşların qövsündə müjganın xədəngin gizləyib, Ey gözü məstanə, qan etmək dilərsən, etməgil! Canımı vəslin şərabından ayırdın, ey gözüm, Eynimi gövhərfəKan etmək dilərsən, etməgil! Qoymuşam eşqində mən kövnü məkanın varını, Can nədir kim, qəsdi can etmək dilərsən, etməgil! Bürqəi üzündən açarsan məgər naməhrəmə, Gizli əsrarı əyan etmək dilərsən, etməgil! Yandırırsan könlümü eşqində, məlum oldu ki, Anı risvayi-cahan etmək dilərsən, etməgil! Doğruyam eşqində oxtək, kirpigin tanıqdurur, Qəddimi neyçün kaman etmək dilərsən, etməgil! Çünki eşqin məskənidir könlümün viranəsi, Həsrətə anı məkan etmək dilərsən, etməgil! Çün yəqin bildi Nəsimi ağzının var olduğun, Ol yəqini sən güman etmək dilərsən, etməgil! (BAYATI-TÜRK) müəllif : Əliağa Vahid (1895-1965) Ey gül, məni sən istəsən, ömrüm hədər olmaz, Sülh olmasa, övladi-Vətən bəxtəvər olmaz! Azadəliyi, sülhü sevirlər bizim ellər, Bir yerdə ki, sülh olsa, o yerdən zərər olmaz! Odlar Vətənin nazlı gözəllər bürüyübdür, Ellərdə məsəl var ki, gözəlsiz şəhər olmaz. Ahim odu, bəlkə eləsin qəlbinə təsir, Neysan suyunu içməsə, daşdan göhər olmaz! Hicran gecəsi mən çəkəni çəkməsin əğyar, Zənnimcə, qiyamət günü bundan betər olmaz! Zülfün üzünü tutsa da, göyçəkliyin artır, Zülmət gecələr olmasa, aydın səhər olmaz! Vahid, sənə, qəm çəkmə, rəqabət edən olsa, Min göl qovuşa bir yerə, bəhri-Xəzər olmaz. (ŞİKƏSTEYİ-FARS) müəllif : Seyid Əzim Şirvani (1835-1888) Dün eşitdim bir siyəhzülfə giriftar olmusan, Ey mələksurət, mənim tək aşiqi-zar olmusan. Vermisən bir səngdil dildarə nazik könlüvü, Sən məgər könlündən, ey məhparə, bizar olmusan? Çəkmisən canan cəfasın, görmüsən hicran qəmin, Şükr-lillah, halıma, ey gül, xəbərdar olmusan. Görmüsən ayineyi-vəchində əksi-surətin, Taqətü huşün gedib, bir nəqşi-divar olmusan. Şövqi-ləlindən onun, ey xosrovi-şirinzəban, Seyyidi-şirin-süxən tək sahibəşar olmusan. (SİMAYİ-ŞƏMS, HİCAZ, SARƏNC, QƏMƏNGİZ) müəllif : Vasif Bir Vətən mülkünə bax, gör nə gülüstanım var. Nərgizim, yasəmənin, sünbülü reyhanım var. Vətən eşqi ilə yaşar indi bütün insanlar Verməyə can kimi məndə ona qurbanım var. Məni şəm yandıra bilməz oda pərvanə kimi, Yurdum odlar yurdu, çün Azərbaycanım var. Qədəmin düşmən əgər qoysa Vətən torpağına, Onu məhv etməyə lazımi imkanım var. Kim ki sevmir vətənin, bir də əziz torpağını Həqqi yoxdur belə insan deyə vicdanım var. Vasifa, varlığını sərf elə öz xəlqin üçün Fəxr edib xəlq desin "Hatəmi-dövranım var"