International Aikido Seminar /Aikido in Mongolia/ TERUMASA HINO SHIHAN

2024.10.27 /бямба/ 12:00-13:30 Японы бие хамгаалах гайхамшигт урлаг болох Айкидог монголчууд бид мэддэг болоод 30 жил өнгөрчээ. Монголын Айкидо холбоо 1994 онд үүсэн байгуулагдсан түүхтэй. Энэ хугацаанд олон арван хар бүстэй багш нар, мастерууд, олон зуун шавь нар бий болсон юм. Айкидо гэдэг нь зэвсэггүйгээр, биеэ хамгаалах урлаг юм. Довтлогч этгээдийг өвтгөхгүй, зовоохгүйгээр уян хатан, хөдөлгөөний эвсэл ашиглан зөрчилдөөнийг намжаах үндсэн зорилготой билээ. 30 жилийн ойн хүрээнд Анхны сайн дурын багш ЖАЙКА-ийн сайн дурын гишүүн (1994 оны 2-р ээлж Айкидо багш) Цүжи Ёошиказү 2024оны 5 сард зочлон ирж семинар бэлтгэл хийсэн. Харин энэ удаа Монголын Айкидо Холбоо болон Японы Хомбу дожогоос хамтран зохион байгуулдаг Айкидогийн сургалт (семинар) 10 сарын 26, 27 өдрүүдэд болох гэж байна. Энэхүү семинарыг Японы Хомбу дожоноос төлөөлж Тэрүмаса Хино багш болон Монголын Айкидо Холбооны тэргүүн Машбатын Алтанбагана багш нар хамтран удирдан явуулах юм. Айкидогийн семинар нь мастер багш нартай бэлтгэл хийх боложийг бүрдүүлэхээс гадна гурван үндсэн зорилгыг биелүүлэхийг эрмэлздэг. • Дасгал хөдөлгөөн Хүний биеийн организмд тохирсон дасгал хөдөлгөөнийг Айкидо санал болгодог. Учир нь хүний хөдөлгөөн бие оргизмыг цэвэрлэх, хүч тамир өгөхөд зориулагдсан. Үүнийг системтэй дасгал хөдөлгөөний дусламжтайгаар эрчимжүүлэх боломжтой. • Хамт олныг нэгтгэх Айкидогийн үзэл санаа дор шавь, хамт олон бүгд нэгдэж нэгдсэн бэлтгэл сургуулилтыг хийдэг учиртай. Энэ нь илүү сайн туршлага олох боломжийг олгож, Айкидогийн философи, мөн чанарыг ойлгоход маш том түлхэц болдог. • Багш нарыг бэлтгэх Айкидод багш төвтэй сургалт явагддаг. Сайн багш сайн шавийг төрүүлдэг учиртай. Иймээс тогтмол дасгал сургуулилт хийснээр түвшин ахих боломжийг олгохоос гадна бие биедээ нөлөөлөх зааж сургах үйл явцын дэмждэг. 10-р сарын 26, 27-ны бямба, ням гаригт болох нэгдсэн семинарын үеэр хар бүстэй багш нар дан ахиулах шалгалт, бор бүстэй шавь нар хар бүсний шалгалт өгөх юм. Шалгалт өгөх бүх хүмүүст амжилт хүсье. Айкидогоор хичээллэдэг, өмнө нь хичээллэж байсан болон анхлан суралцагч шавь нарыг 2 хоногийн сургалтад хүрэлцэн ирэхийг урьж байна.