Barsi Baba Aya Singh 2022#Riarki College Tughalwala

#Pri. jagroop Singh jalandhar , #Jatinder Pannu ji's lecture on 54th Barsi of Baba Aya Singh Ji # Baba Aya Singh Riarki College, Tughalwala, Gurdaspur , PUNJAB 143527 Principal Sawran Singh Virk ਰਿਆੜਕੀ ਕਾਲਜ ਵਿਖੇ ਮਨਾਈ ਗਈ ਬਾਬਾ ਆਇਆ ਸਿੰਘ ਜੀ ਦੀ 54ਵੀਂ ਬਰਸੀ ਪੰਜਾਬ ਭਰ ਵਿੱਚੋਂ ਵਿਦਵਾਨਾਂ ਨੇ ਕੀਤੀ ਸ਼ਿਰਕਤ ਉੱਘੀਆਂ ਸ਼ਖ਼ਸੀਅਤਾਂ ਨੂੰ ਕੀਤਾ ਗਿਆ ਸਨਮਾਨਿਤ ਵਿਦਿਆਰਥਣਾਂ ਨੇ ਪਾਏ ਸਹਿਜ ਪਾਠ ਦੇ ਭੋਗ ਇਸਤਰੀ ਵਿੱਦਿਆ ਦੀ ਹਾਮੀ ਭਰਨ ਵਾਲੇ, ਵਿਦਿਅਕ ਪ੍ਰੇਮੀ ਬਾਬਾ ਆਇਆ ਸਿੰਘ ਜੀ, ਜਿਨ੍ਹਾਂ ਦੀ ਯਾਦ ਨੂੰ ਸਮਰਪਿਤ ਰਿਆੜਕੀ ਕਾਲਜ ਤੁਗਲਵਾਲਾ ਵਿਖੇ 54 ਵੀਂ ਬਰਸੀ ਮਨਾਉਂਦੇ ਹੋਏ ਸਨਮਾਨ ਸਮਾਰੋਹ ਕੀਤਾ ਗਿਆ। ਜਿਸ ਵਿੱਚ ਸਮਾਜ ਸੇਵੀ ,ਵਿਦਿਅਕ ਪ੍ਰੇਮੀ, ਸੰਸਥਾ ਦੀ ਪ੍ਰਬੰਧਕ ਕਮੇਟੀ ਦੇ ਮੈਂਬਰ ਅਤੇ ਹੋਰ ਉਘੀਆਂ ਸਖ਼ਸ਼ੀਅਤਾਂ ਨੂੰ ਸਨਮਾਨਿਤ ਕੀਤਾ ਗਿਆ। ਇਸ ਸਮਾਗਮ ਦੀ ਸ਼ੁਰੂਆਤ ਵਿਦਿਆਰਥਣਾਂ ਵੱਲੋਂ ਰੱਖੇ ਗਏ ਸਹਿਜ ਪਾਠ ਦੇ ਭੋਗ ਨਾਲ ਕੀਤੀ ਗਈ। ਉਪਰੰਤ ਪਵਨਪ੍ਰੀਤ ਕੌਰ ਬੇਰੀ, ਜਸ਼ਨਪ੍ਰੀਤ ਕੌਰ ਅਤੇ ਜੋਬਨਪ੍ਰੀਤ ਕੌਰ ਦੇ ਕੀਰਤਨੀ ਜਥੇ ਨੇ" ਬ੍ਰਹਮ ਗਿਆਨੀ ਸਦ ਜੀਵੈ ਨਹੀਂ ਮਰਤਾ" ਅਤੇ" ਬਿਨ ਭਾਗਾਂ ਸਤਿਸੰਗ ਨਾ ਲੱਭੇ" ਸ਼ਬਦ ਦਾ ਰਸ ਭਿੰਨਾ ਕੀਰਤਨ ਗਾਇਨ ਕੀਤਾ।ਇਸ ਮੌਕੇ ਸੰਸਥਾ ਦਾ ਹਰ ਬੋਰਡ ਨੁਮਾਇਸ਼ ਦੇ ਰੂਪ ਚ ਬਾਬਾ ਆਇਆ ਸਿੰਘ ਜੀ ਦੀਆਂ ਗੱਲਾਂ, ਵਿਚਾਰਾਂ, ਕੁਟੇਸ਼ਨਾਂ ਤੇ ਚਿੱਤਰਕਾਰੀ ਦੇ ਰੂਪ ਚ ਦਿਲਕਸ਼ ਨਜ਼ਾਰਾ ਪੇਸ਼ ਕਰ ਰਿਹਾ ਸੀ। ਵਿਦਿਆਰਥਣਾਂ ਵੱਲੋਂ ਬਾਬਾ ਜੀ ਦੀ ਜੀਵਨੀ ਉਪਰ ਲੈਕਚਰ ,ਗੀਤ ਅਤੇ ਕਵਿਤਾਵਾਂ ਪੇਸ਼ ਕਰਕੇ ਉਹਨਾਂ ਨੂੰ ਸ਼ਰਧਾਂਜਲੀ ਦੇ ਫੁੱਲ ਭੇਂਟ ਕੀਤੇ ਗਏ। ਇਸ ਮੌਕੇ ਸ੍ਰੀ ਜਤਿੰਦਰ ਪੰਨੂੰ ਜੀ ਪ੍ਰਾਈਮ ਏਸ਼ੀਆ ਟੀ ਵੀ ਵਾਲਿਆਂ ਨੇ ਵਿਦਿਆਰਥੀਆਂ ਨਾਲ ਉਚੇਚੇ ਤੌਰ ਤੇ ਆਨਲਾਈਨ ਆਪਣੇ ਵਿਚਾਰ ਸਾਂਝੇ ਕਰਦਿਆਂ ਕਿਹਾ ਕਿ ਰਿਆੜਕੀ ਕਾਲਜ ਵਰਗਾ ਕਾਲਜ ਅਜੇ ਤੱਕ ਸਾਨੂੰ ਕਿਤੇ ਵੀ ਨਹੀਂ ਮਿਲਿਆ। ਉਹਨਾਂ ਨੇ ਕਿਹਾ ਕਿ ਇਸ ਕਾਲਜ ਨਾਲ ਉਹਨਾਂ ਦੀਆਂ ਮੋਹ ਦੀਆਂ ਤੰਦਾਂ ਬਹੁਤ ਪੁਰਾਣੀਆਂ ਹਨ ਅਤੇ ਇਸ ਕਾਲਜ ਦੀਆਂ ਬੁਲੰਦੀਆਂ ਇਕੱਲੇ ਭਾਰਤ ਵਿਚ ਨਹੀਂ ਬਲਕਿ ਬਾਹਰਲੇ ਦੇਸ਼ਾਂ ਵਿਚ ਵੀ ਹਨ। ਉਨ੍ਹਾਂ ਦੀ ਗੈਰ-ਹਾਜ਼ਰੀ ਦੀ ਪੂਰਤੀ ਸਰਦਾਰ ਬਲਦੇਵ ਸਿੰਘ ਜੀ" ਸੜਕਨਾਮਾ" ਦੇ ਸਪੁੱਤਰ ਜਗਰੂਪ ਸਿੰਘ ਜੀ ਪ੍ਰਿੰਸੀਪਲ ਮੇਹਰ ਚੰਦ ਪੌਲੀਟੈਕਨਿਕ ਕਾਲਜ ਜਲੰਧਰ ਵੱਲੋਂ ਕੀਤੀ ਗਈ, ਜਿਨ੍ਹਾਂ ਨੇ ਵਿਦਿਆਰਥੀਆਂ ਨਾਲ ਆਪਣੇ ਵਿਚਾਰ ਸਾਂਝੇ ਕਰਦੇ ਹੋਏ ਦੱਸਿਆ ਕਿ ਇਹ ਕਾਲਜ ਇਕੱਲਾ ਸ਼ਾਂਤੀ ਨਿਕੇਤਨ ਹੀ ਨਹੀਂ ਬਲਕਿ ਟੈਗੋਰ ਦਾ ਐਕਟੀਵਿਟੀ ਸਕੂਲ ਅਤੇ ਨਲੰਦਾ ਯੂਨੀਵਰਸਿਟੀ ਲਗਦਾ ਹੈ। ਉਨ੍ਹਾਂ ਕਿਹਾ ਕਿ ਇਸ ਕਾਲਜ ਦਾ ਅਨੁਸ਼ਾਸਨ, ਕਿਰਤ ਕਰਨਾ, ਨਕਲ ਨਾ ਮਾਰਨ ਦੀ ਵਿਸ਼ੇਸ਼ਤਾ ਨੇ ਉਹਨਾ ਨੂੰ ਬਹੁਤ ਪ੍ਰਭਾਵਿਤ ਕੀਤਾ। ਇਸ ਉਪਰੰਤ ਪੰਜਾਬੀ ਸੱਥ ਦੇ ਜਨਮਦਾਤਾ ਡਾ ਨਿਰਮਲ ਸਿੰਘ ਲਾਂਬੜਾ ਨੇ ਵੀ ਆਪਣੇ ਵਿਚਾਰ ਵਿਦਿਆਰਥੀਆਂ ਨਾਲ ਸਾਂਝੇ ਕੀਤੇ। ਸਮਾਗਮ ਵਿੱਚ ਇਸ ਮੌਕੇ ਸ੍ਰੀ ਸੁਰਿੰਦਰ ਬਾਂਸਲ ਜੀ , ਰਾਜਪਾਲ ਸਿੰਘ ਜੀ ਸਹਿਜ ਪਾਠ ਵਾਲੇ , ਬ੍ਰਿਜਭੁਸ਼ਨ ਸਿੰਘ ਜੀ ਬੇਦੀ,ਸਰਬਜੀਤ ਸਿੰਘ ਮੈਨੇਜਰ ਕੋ ਕੋਪਰੇਟਿਵ ਬੈਂਕ ਕਾਦੀਆਂ, ਬਰਾਂਚ ਮੈਨੇਜਰ ਜਰਨੈਲ ਸਿੰਘ ਸ੍ਰੀ ਹਰਗੋਬਿੰਦਪੁਰ, ਸਰਦਾਰ ਜਗਦੀਪ ਸਿੰਘ,ਨੰਬਰਦਾਰ ਬਲਜੀਤ ਸਿੰਘ ਰਿਆੜ, ਅਮਰਜੀਤ ਸਿੰਘ ਜੀ ਬਸਰਾ,ਸਰਬਜੀਤ ਸਿੰਘ ਜੀ ਬਸਰਾ, ਅਜੀਤ ਸਿੰਘ ਮੂੜ, ਮਹੈਣ ਸਿੰਘ ਠੱਕਰਵਾਲ, ਕੁਲਦੀਪ ਸਿੰਘ ਜੀ ਬਸਰਾ, ਮਨਜਿੰਦਰ ਸਿੰਘ ਸਾਬੀ, ਮੈਡਮ ਹਰਮੀਤ ਕੌਰ ਰਿਆੜ, ਸ੍. ਨਵਤੇਜ ਸਿੰਘ, ਖਾਲਸਾ ਦੀਵਾਨ ਰਿਆੜਕੀ ਸ੍.ਅਵਤਾਰ ਸਿੰਘ ਜੀ ਨਿਰਮਾਣ, ਸਰਦਾਰ ਸੂਬਾ ਸਿੰਘ ਜੀ ਖਹਿਰਾ, ਗੁਰਦੀਪ ਸਿੰਘ ਜੀ ਲਾਧੂਪੁਰ ਆਦਿ ਨੇ ਵੀ ਉਚੇਚੇ ਤੌਰ ਤੇ ਸ਼ਿਰਕਤ ਕੀਤੀ। ਇਸ ਉਪਰੰਤ ਪਹੁੰਚੀਆਂ ਉੱਘੀਆਂ ਸ਼ਖ਼ਸੀਅਤਾਂ ਦਾ ਪ੍ਰਿੰਸੀਪਲ ਸਰਦਾਰ ਸਵਰਨ ਸਿੰਘ ਜੀ ਵਿਰਕ ਨੇ ਪ੍ਰਧਾਨ ਸ੍. ਬਖਤਾਵਰ ਸਿੰਘ ਜੀ, ਮੀਤ ਪ੍ਰਧਾਨ ਬੀਬੀ ਬਲਬੀਰ ਕੌਰ ਜੀ ਰਿਆੜ ਅਤੇ ਸਟੂਡੈਂਟ ਕਮੇਟੀ ਰਾਹੀਂ ਸਿਰੋਪਾਓ, ਸਨਮਾਨ ਪੱਤਰ, ਕਿਤਾਬ, ਅਤੇ ਆਰਗੈਨਿਕ ਗੁੜ ਦੇ ਡੱਬੇ ਨਾਲ ਸਨਮਾਨ ਕੀਤਾ । ਵਿਦਿਆਰਥੀਆਂ ਨੂੰ ਆਤਮ ਨਿਰਭਰ ਬਣਾਉਣ ਲਈ ਸੰਸਥਾ ਚ ਸਿਲਾਈ ਸੈਂਟਰ ,ਕਿਚਨ ਗਾਰਡਨ , ਡੇਰੀ ਫਾਰਮ ਅਤੇ ਟਿਊਸ਼ਨ ਸੈਂਟਰ ਦੀ ਸ਼ੁਰੂਆਤ ਕਰਨ ਵਾਲੀਆਂ ਵਿਦਿਆਰਥਣਾਂ ਨੂੰ ਵੀ ਉਤਸ਼ਾਹਿਤ ਕੀਤਾ ਗਿਆ । ਇਸ ਤੋਂ ਇਲਾਵਾ ਲੋੜਵੰਦ ਵਿਦਿਆਰਥੀਆਂ ਨੂੰ ਇਕ ਇੱਕ ਯੂਨੀਫ਼ਾਰਮ,ਪਸ਼ੂਆਂ ਨੂੰ ਪਾਉਣ ਲਈ ਵੰਡ,ਅਤੇ ਕਣਕ ਵੀ ਵੰਡੀ ਗਈ। ਅਖੀਰ ਪ੍ਰਿੰਸੀਪਲ ਸਾਹਿਬ ਨੇ ਬਾਹਰੋਂ ਆਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ ਅਤੇ ਵਿਦਿਆਰਥੀਆਂ ਨੇ ਆਪਣੇ ਹੱਥੀਂ ਤਿਆਰ ਕੀਤਾ ਲੰਗਰ, ਔਰਗੈਨਿਕ ਰਓ ਅਤੇ ਲੱਸੀ ਦਾ ਵੀ ਲੰਗਰ ਛਕਾਇਆ।